Ribadeo, 25 de febreiro de 2014. A concelleira de Cultura, Mariluz Álvarez Lastra, nega as acusacións que nas últimas horas se realizaron desde Amadores da Música sobre a visión da propia concelleira a respecto da formación dunha nova charanga composta por músicos da Banda Municipal.
A edil nacionalista referiuse ao escrito da directiva da asociación Amadores da Música: “en primeiro lugar desvincúlome totalmente das acusacións que se fan neste escrito relacionadas coa miña persoa, que me parecen desafortunadas. Dise que me extra limitei nas miñas funcións e unha serie de cousas respecto a unha charanga que se crea ao marxe de Amadores e da Escola de Música”.
Álvarez Lastra manifesta “o meu total apoio á escola e á Banda Municipal de Ribadeo como un ente totalmente indivisible. Polo o que levou á reunión coas persoas que estaban facendo esta charanga non foi máis que explicarlles que eu considero que a escola e a banda deben ir sempre da man, posto que a banda bebe dos músicos que se forman na escola e de feito a maior parte dos que están na banda formaron parte da escola nalgún momento ou aínda están nela. Como ese ente indivisible a Escola de Música Municipal de Ribadeo ten unha charanga onde se convidou e sempre participaron membros da asociación Amadores da Música”.
A concelleira de Cultura explicou que “este ano xurde a iniciativa dunha serie de rapaces e rapazas que queren facer unha charanga. A min paréceme moi ben e entón non teño nada que dicir a este respecto. Pero piden as instalacións da Escola Municipal de Música para ensaiar e eu antes de denegárllelas e dicíndolles que eu non lles vou denegar o uso das instalacións, tamén lles comento que ningunha charanga de Ribadeo ensaia nesas dependencias. Entón convoquei unha reunión para explicarlles esta consideración para ver cal era a súa versión e sobre todo para darlles a miña visión. Sei que son persoas que están vinculadas á Escola de Música, pero entendo que o centro e a que banda son indivisibles e que non me gustaría que se transmitise unha imaxe de división cara a fóra”.
Mariluz Álvarez Lastra engadiu que “en todo momento dunha maneira cordial, e por iso nego as acusacións que se fan neste escrito, foi unha reunión de intercambio de impresións. Eu mesma, como concelleira, antes de denegarlles nada e ofrecéndolles as instalacións da Escola de Música a pesar de que ningunha charanga ensaia alí, fixemos un intercambio de impresións porque considero que son persoas maduras. Expúxenlles a miña visión do que eu considero que debera ser a charanga e a escola, pero en ningún momento negando a existencia desa charanga nin limitándolles que a fixeran. É máis, o único cuestionamento que fixen é que o martes de Entroido da Escola de Música sairía unha charanga, como ven saíndo todos os anos, e posto que eles non forman parte desta non deberían saír de aquí”.
A concelleira nacionalista non entende que “neste momento delicado, no que a asociación Amadores da Música está cunha directiva en funcións e hai unhas eleccións á vista, queiran mostrar publicamente esta imaxe”. E insistiu en que “en ningún momento esta concelleira se extra limitou nas súas funcións, foi unha relación cordial de intercambio de impresións. Pode gustar máis ou menos o que eu digo, estou totalmente de acordo. Podo dicilo máis alto ou máis baixo, pero a miña idea e a premisa fundamental é a Escola de Música e a Banda como un ente totalmente indivisible para todo. Polo tanto se hai unha charanga da escola dende hai cinco anos esa debe ser a que saia das instalacións do centro coa participación voluntaria de profesorado, persoas que están na banda, alumnado, pais, nais, … E o que se forme ao marxe dela deberá ir pola súa conta”.
Álvarez Lastra cre que “intercambiar estas impresións coas persoas que formaban parte desa nova charanga, que son a maior parte deles músicos da Banda, e darlles a miña visión en ningún momento supón nin intimidación nin nada parecido. O meu total apoio para que a fagan e incluso a cesión das instalacións en último termo para poder ensaiar aquí. Creo que como persoas debemos falar e cambiar impresións, porque non temos porque ter a mesma visión. E eu defendo a opinión de socios de Amadores da Música que desde fóra poden ver outra cousa. Entón apelo á unidade e ao sentido común por todas as partes”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
