Cervo, 25 de febreiro de 2014-O Concello de Cervo amosou este martes un documento asinado pola empresa que colocou mal os postes do saneamento da Senra. Un escrito que demostra que a administración local non tivo ningunha responsabilidade neses erros, a pesar de que a Deputación multou ao Concello e aos veciños con 20.000 euros.
En concreto, o escrito asinado pola empresa di textualmente “A empresa fai constar a todos os efectos oportunos que non recibiu ordes do Sr. Alcalde, nin de persoal do Concello de Cervo, para o replanteo, ubicación e colocación dos postes para o subministro eléctrico á depuradora da obra de saneamento no núcleo da Senra, parroquia de Cervo”. Un documento asinado por un responsable da empresa e que ten data de 28 de setembro de 2011.
O Concello quixo facer público este documento para “poñer en evidencia todas as falsidades que están saíndo da Deputación”, asegura o alcalde de Cervo, Alfonso Villares e para transmitir as “sospeitas do Concello” cunha Deputación que “parece que mantén unha estreita relación coa empresa”.
Mentiras da Deputación
O rexedor lembra que o deputado provincial Manuel Martínez leva varios días enganando a todos os veciños.
20-02-2014. Manuel Martínez, hai cinco días, dixo: “O de hoxe foi o colmo dos cinismos, porque nin tan sequera foi o Concello quen pagou a multa. O alcalde obrigou á empresa a facelo, a pesares de ser el o responsable, xa que esta entidade fixo os traballos que Villares lle ordenou”. FALSO
1. A multa pagouna o Concello con fondos municipais. Polo tanto, A MULTA PAGÁRONA OS VECIÑOS. Nun primeiro momento, o goberno local tentou que a empresa asumise a sanción, xa que foi ela a que colocou os postes de forma errónea. A empresa entregou un cheque ao Concello por importe de 20.000 euros, que estaba sen fondos. Polo tanto, o Concello non puido cobrar o cheque. E, en consecuencia, a multa foi pagada polos veciños.
2. A EMPRESA ADMITIU QUE O CONCELLO NON TIVO NINGUNHA RESPONSABILIDADE NOS ERROS DA OBRA. “O Concello sempre dixo a verdade. Ninguén desta administración deu orde algunha sobre onde colocar os postes” asegura o mandatario cervense.
3. En consecuencia, o alcalde asegura que a Deputación “parece moi interesada” en poñerse do lado da empresa e en culpar ao Concello. Por iso, o rexedor pregúntalle ao Goberno Provincial: “POR QUE INSISTE EN DEFENDER Á EMPRESA?”. “Ten a Deputación algún vinculo ou relación sospeitosa coa empresa?”.
20-02-2014. Manuel Martínez: “Ademais, a empresa adxudicataria das obras de saneamento da Senra, tal e como nos comunicou, situou os postes onde o Alcalde lles dixo como máximo responsable destas actuacións”. FALSO.
Con estas declaracións, Martínez “tropeza” de novo na súa propia mentira: A empresa asegurou que ninguén do Concello lle indicou onde colocar os postes.
Pero o rexedor vai máis alá, deténdose na primeira parte das declaracións, cando Martínez di “ademais, a empresa adxudicataria das obras de saneamento da Senra, tal e como nos comunicou (…)”. Con estas palabras, o deputado desvela que mantivo contactos coa empresa. Por iso o alcalde pregunta: “Dende cando, como, e por que a Deputación se relaciona coa empresa, segundo recoñece o deputado?”. “Que sentido ten que o Goberno Provincial manteña, supostamente, unha boa relación cunha empresa desaparecida e que dá cheques sen fondos?”.
“Ten algo que ver esta suposta boa relación con que a Deputación nunca pedise responsabilidades á empresa?” pregunta tamén o primeiro edil. Alfonso Villares pídelle á Deputación que dea explicacións á cidadanía sobre estes feitos e lembra que “son moitas as preguntas que lles levamos plantexadas nestes días e aínda non responderon a ningunha”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
