Ao Burela FS Pescados Rubén preséntaselle un emocionante duelo mañá na Primeira División RFEF coa visita a Vista Alegre do guerreiro UA Alicante, cuarto clasificado. O partido, no que as laranxas perseguirán a súa cuarta xornada sen coñecer a derrota, está previsto para as 18.30 horas; nel veranse as caras as dúas máximas goleadoras da elite, Peque (31) e Sareta (25).
“Tócanos unha xornada fronte a un rival de entidade, que xa enlaza sete citas con resultados positivos. O gol, con Sareta de referencia, e as transicións rápidas son as súas principais armas” explicaba o adestrador burelista, Quico Otero, facendo fincapé na concentración e capacidade de lectura do partido das xogadoras laranxas ante “o dominio de diferentes posibilidades de xogo do rival”.
Aludindo ao enfrontamento en terras alacantinas, con triunfo 2-5 para as da Mariña, o técnico laranxa prevé un desenvolvemento moi diverso: “Creo que se poderá ver un partido moi diferente; o da primeira volta queda moi atrás, eramos dous equipos en fase de adaptación con moitos cambios”. “Vai ser moi complicado porque nos medimos dous equipos que estamos nun bo momento, pero nós non temos outra opción se queremos seguir con opcións ao título. O obxectivo claro son os tres puntos; temos que saber xogar con esa presión e dominarnos nos momentos difíciles” sentenciaba Quico Otero.
O cadro mariñán realizará esta tarde o último adestramento da semana. Paula e Maite continuarán sendo baixa para mañá. Lara e Peque, recuperadas xa de senllas molestias, estarán dispoñibles ao cento por cento.
Rivais
Os rivais directos do Burela FS (46 puntos) parece que teñen unha axenda máis accesible. O líder madrileño (50 puntos) recibe o Soto del Real, 13º con 14 puntos, e o Ciudad de Alcorcón, dende a terceira praza (43 puntos), visita o Móstoles, 12º con 16.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
