Ribadeo, 12 de febreiro de 2014. O presidente do PP de Ribadeo, Jesús López Penabad, denunciou este martes, o lamentable estado no que se atopa o moi utilizado aparcadoiro público da Avenida Rosalía de Castro.
“O aparcadoiro, cedido por unha empresa ao Concello para uso dos ribadenses e visitantes, atópase nun estado peor que lamentable”- denunciou o popular, quen fixo fincapé sobre todo na entrada á instalación, onde hai unhas fochancas de tales dimensións que semellan ser lagoas.
O presidente do PP de Ribadeo engadiu que o mantemento dese aparcadoiro é responsabilidade do Concello polo que urxíu a Suárez Barcia a arranxar inmediatamente esta instalación para poder entrar de forma digna.
“Hai que emendar esa gran deficiencia que encontramos nun aparcadoiro que é moi utilizado porque está moi céntrico”- manifestou López Penabad, quen engadíu que cada día que un pasa por alí, percíbense vehículos e o lugar atópase nun estado lamentable.
ENTORNO DO COLEXIO DAS MONXAS
Jesús López Penabad lembrou que fai uns días, os populares denunciaron o mal estado da zona que está arredor do colexio das monxas e lamentou que o rexedor continúe a facer oídos xordos.
“O tempo non acompaña para poder realizar estes arranxos pero dicían que nos despachos se facían tres montóns de papeis: un para os que non tiñan solución, outro para os que había que revisar e un terceiro para amontoar os que se solucionaban solos”- explicou López Penabad, quen engadíu que este asunto das fochancas non pode ir para ese último montón, porque están a aumentar e como continuamos con choivas, cada día, están nunha situación máis deficiente e lamentable.
“Posto que a tónica de Suárez Barcia é esquecerse dos problemas cos que nos encontramos todos os días e crerse o centro do universo saíndo de Ribadeo mentres temos o municipio como o temos, ínstoo a tomar cartas no asunto e a que revise a localidade”- concluíu López Penabad, quen denunciou que o estado deste aparcamento é un caso que pode ver todo o mundo e que necesita un arranxo rápido e eficiente.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
