Lourenzá, 5 de febreiro de 2014. A Concellería de Cultura de Lourenzá organiza un ciclo teatro denominado Febreiro teatreiro, que se desenvolverá os domingos 9, 16 e 23 deste mes no salón de actos da Casa do Concello. A representación deste vindeiro domingo será ás sete da tarde e correrá a cargo da compañía da asociación VEA, de Barreiros, que ofrecerá a obra Curtas humorísticas. O prezo da entrada é de un euro.
A concelleira de Cultura, Lupe Flórez Seivane, explicou que o seu departamento organiza “un novo ciclo teatral, fóra do que son as tradicionais sesións de teatro no mes de novembro, para o que xeralmente soemos aproveitar o circuíto Buxiganga da Deputación de Lugo. Nesta ocasión vimos de organizar dende a propia Concellería de Cultura outro circuíto teatral para este mes. Denominado Febreiro teatreiro vamos ter ao longo dos vindeiros domingos deste mes unha serie de funcións teatrais para o público laurentino”.
Lupe Flórez engadiu que “a intención deste ciclo teatral é dar resposta á demanda que hai de teatro sempre en Lourenzá; cada vez que se organiza algunha representación a xente responde cun grande éxito de público e en moitas ocasións o salón de actos quédase pequeno. Foi o caso das últimas actuacións que no Nadal fixeron a asociación Conde Santo e o grupo de teatro infantil, que en ambas as dúas ocasións houbo que repetir as funcións para dar cabida a ese público que quedou fóra ao estar abarrotado o salón de actos”.
A edil de Cultura comentou tamén que “son tres os domingos de febreiro que nos quedan e imos ter cadansúa función teatral. Este vindeiro domingo, día 9, estrearase este ciclo teatral coa compañía da asociación VEA, do veciño concello de Barreiros, que nos vai traer unhas Curtas humorísticas. Será no salón de actos ás sete da tarde”.
Florez Seivane anunciou ademais que está confirmada tamén a compañía que actuará o 16 de febreiro, que “será o trío Trípode, composto por Alberto Níñez, Pepe Peinó e Cachín, que nos traerán unha peza de carácter fundamentalmente humorístico. O que nos queda por pechar é a compañía para o último domingo, 23 de febreiro, da que daremos información nas vindeiras datas”.
A concelleira rematou recomendándolle aos interesados en asistir a estas representacións que “permanezan atentos ás canles habituais polas que as que difundimos a novas do Concello: prensa, as redes sociais do propio Concello (facebook e twitter), a páxina web institucional do Concello de Lourenzá e os carteis que poñemos nos puntos habituais de información. Só nos queda agardar que o éxito de público sexa o habitual cada vez que programamos teatro en Lourenzá e que a selección das compañías de localidades próximas con xente de concellos veciños sexa a idónea e que lle guste ao público”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
