O Burela FS Pescados Rubén B recolleu tres importantísimos puntos o sábado na visita do líder a Vista Alegre. A escuadra laranxa conseguiu impoñerse por 2-0 ao Leis Pontevedra FS, un resultado que lle permite seguir aspirando ao podio de Terceira.
A bomboneira viviu unha cita intensa e rifada, cun bo comezo do Burela FS B, que conseguiu dominar sobre a pista nos primeiros minutos e se adiantou no marcador por mediación de Manu, minuto 13. Con 1-0, o Leis cambiou de marcha e o encontro igualouse; ambos os conxuntos tiveron ocasións, aínda que sen fortuna para culminar.
Na continuación, o partido mantivo o mesmo rexistro, alternativas no dominio e ocasións que non se materializaban. No treito final, o cadro de Lucas chegou coa exigua renda de 1-0 e o Leis decidiu apostar polo xogo de cinco, no minuto 35. Defendeu ben o acoso pontevedrés o Burela Pescados Rubén B e Antón González, con calidade e intelixencia, aproveitou un roubo para sentenciar o partido establecendo o 2-0 final no último minuto.
O vindeiro sábado, os da Mariña terán outra dura proba na súa tentativa de escalada; desprazaranse á pista do Concello de Vigo IES Coruxo, segundo clasificado.
Ficha técnica
Burela Pescados Rubén B: Brais, Bruno, Keko, Alemán, Manu –cinco inicial- Hélder, Antón González, Pancho y Javi.
Leis Pontevedra FS: Chenlli, Pocho, Carlos, Sergio, Iván –cinco inicial- Pablo Durán, Gus, Sergio II, Dani y Barcala.
Goles: 1-0, m.13, Manu; 2-0, m.39, Antón González
Árbitros: Amor Vizoso // Pena Pereira (Ferrol)
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).