Cervo, 11 de febreiro de 2014- A campaña de recollida de roupa usada iniciada en xuño do ano pasado pechouse este martes coa venda de 10.100 quilos de pezas de vestir de todo tipo. Un camión da empresa compradora achegouse hoxe ata a nave na que se almacenou a roupa, situada en Sargadelos, onde máis dunha vintena de voluntarios así como persoal do Concello ocupáronse de cargar as bolsas de roupa, que finalmente será reciclada ou destinada a outros usos.
Os máis de mil quilos de prendas de vestir, de cama e do fogar, zapatos, bolsos ou almofadas, vendéronse ao peso e cos cartos recadados Cáritas, que foi a promotora desta iniciativa, axudará ás familias con menos recursos a cubrir as súas necesidades básicas. O departamento de Servizos Sociais do Concello de Cervo colaborou dende o principio, ofrecendo as súas instalacións para o almacenamento da roupa.
Desta maneira, a administración local habilitou varios puntos de recollida distribuídos polo municipio, onde a cidadanía puido depositar as súas pezas. Pero tamén ofreceu a Cáritas un lugar onde centralizar o almacenamento e que albergou toda a roupa ata o momento da recollida, situado en Sargadelos, tanto a procedente dos diferentes puntos do municipio como doutros concellos da zona que tamén colaboraron. Ao mesmo tempo, a administración cervense destinou recursos humanos e materiais, ocupándose do transporte dos diferentes puntos ata a base central, e outras tarefas.
Cabe destacar que, ademais da roupa vendida nesta remesa, foron moitas as pezas que se aproveitaron dende xuño ata agora. Así, dende que se comezou a recibir roupa fíxose unha preselección para poder doar ás familias aquelas prendas que se atopasen en bo estado. De feito, repartíronse maioritariamente sabas e toallas a aquelas persoas que o necesitaron. Unha vez abastecidas as familias da zona, enviouse roupa ao Sáhara, especialmente pezas para bebés e nenos, a poboación con máis carencias. Desta maneira, pódese dicir que a roupa recadada superou en realidade a tonelada, aínda que non toda tivo o mesmo destino, diferenciándose entón a doada ás familias e a vendida para reciclar.
Agradecementos
A edil de Servizos Sociais, Pilar Armada, quixo dar as grazas “a todas as persoas que colaboraron e que doaron a súa roupa, porque o éxito desta campaña está na súa implicación e nas súas ganas de axudar”. Por suposto, Armada asegura que “iniciativas coma esta, apoiadas polos veciños, demostran que todos xuntos podemos facer cousas moi beneficiosas para a sociedade”.
Ao mesmo tempo, a responsable de Servizos Sociais tamén destaca a labor que leva a cabo Cáritas Diocesanas e a Unidade Pastoral de Cervo, que foi a impulsora desta medida. Armada tamén ofreceu a colaboración do Concello para futuras actuacións deste tipo.
Esta iniciativa tamén contou coa colaboración das Unidades Pastorais de Burela e Xove.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.