Barreiros, 11 de febreiro de 2014.- A delegada territorial, Raquel Arias, visitou este martes o concello de Barreiros e mantivo unha xuntanza co alcalde, Alfonso Fuente, e cos técnicos da Oficina Municipal de Información Xuvenil (OMIX) para valorar as medidas de apoio ás actividades de dinamización xuvenil sufragadas pola Xunta de Galicia.
A OMIX de Barreiros prestou atención durante o último semestre a preto de 2.500 persoas (2.492 usuarios), colaborando activamente en campañas de difusión da Dirección Xeral de Xuventude e cooperando tamén cos colexios no remate de curso e en iniciativas promovidas polos propios veciños de Barreiros –campaña de loita contra o cancro, a aula CEMIT e o centro sociocomunitario de Ribadeo.
No tocante ás axudas, Arias expuxo que a Consellería de Traballo e Benestar achegou 35.556 euros aos concellos da comarca da Mariña para a realización de actividades dirixidas á xuventude, así como para a promoción da información xuvenil e a incorporación dos mozos ás novas tecnoloxías.
O obxectivo destas axudas, segundo explicou a delegada, é “fomentar as actividades formativas e educativas no ámbito do ocio e tempo libre, así como o asociacionismo xuvenil e a utilización das novas tecnoloxías da comunicación por parte da xuventude de cada zona”.
Ao mesmo tempo, engadiu a delegada, esta medida pretende “potenciar os servizos municipais de información xuvenil integrados na Rede galega de información xuvenil”. Esta rede coordina os esforzos e iniciativas en materia de xuventude promovidos tanto por organismos privados como por organismo públicos, de xeito que “se aproveiten as sinerxias para chegar ao maior número de mozas e mozos con iniciativas interesantes dende o punto de vista social e cultural”, apuntou Arias.
Con esta liña de subvencións, a Xunta sufraga os custos derivados do normal funcionamento dun servizo de información xuvenil, así como as actividades de dinamización da información que se leven a cabo desde este. Igualmente, os concellos poden acometer actividades formativas e educativas, relacionadas coa creación xuvenil, programas de información e asesoramento, ocio e tempo libre e, en xeral, todas aquelas actividades relacionadas co fomento da participación e o asociacionismo xuvenil, todas elas destinadas á mocidade de idades comprendidas entre os 12 e os 35 anos.
Obras teatrais en Barreiros
No caso de Barreiros, a colaboración por parte do departamento de Traballo e Benestar promoveu a realización de dúas obras de teatro por parte dos grupos A Maseira e A Adala, actuacións de maxia e un monólogo de Ramón Ángel Ares.
Ademais, dende a área de Xuventude de Barreiros impulsouse tamén unha charla-obradoiro sobre entrevistas de traballo na que participaron preto de 25 mozos e maiores. Do mesmo xeito, tamén se veñen realizando obradoiros de lectura, de técnicas de relaxación e concursos de debuxo e narración.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.