Ribadeo, 19 de marzo de 2014.- A CIG Ensino ven de denunciar que Educación deixou de ofertar -como viña sendo ata agora- os cursos preparatorios das probas CELGA ao profesorado “colaborador” procedente dunha listaxe, elaborada cun baremo estabelecido pola Secretaría Xeral de Política Lingüística e cuns requisitos entre os que figura o ser “demandante de emprego en situación laboral de desempregado”. Dando estes cursos traballaban 476 persoas tituladas ata o de agora.
Segundo a Secretaria do sindicato na Mariña, Dores Fernández Abel, este profesorado impartía estes cursos sen ningún contrato de traballo e sen ser dado de alta na Seguridade Social. Ante esta situación irregular, a CIG-Ensino interpuxo denuncia perante a Inspección de Traballo que a resolveu, con data do 15 de novembro de 2013, recoñecendo a relación laboral entre a Consellaría de Educación e o profesorado “colaborador” dos cursos CELGA e dando de alta de oficio con efectos retroactivos nos períodos en que impartiran clases nos últimos catro anos. A propia inspección impón unha multa de máis de 200.000 euros á Consellaría pola actuación fraudulenta.
A CIG-Ensino, á vista desta resolución e da actuación fraudulenta da Consellaría, esixiulle á Secretaría Xeral de Política Lingüística que os próximos chamamentos se producisen mediante contrato laboral. Pero a Consellaría, no canto de continuar ofrecendo os cursos preparatorios CELGA ao profesorado en paro, opta por que sexa o profesorado en activo dalgúns centros de secundaria o que os imparta como horas extraordinarias, para así evitar a contratación do profesorado “colaborador” dos cursos preparatorios CELGA.
A CIG-Ensino rexeita que a Consellaría pretenda que o profesorado dos centros imparta estes cursos como traballo extra, actuando de mala fe e deixando ao profesorado desempregado sen esta posibilidade. Por iso, facemos un chamamento aos departamentos de Lingua e Literatura Galega para que, por solidariedade cos compañeiros e compañeiras en situación de desemprego, se neguen a impartilos porque esta medida supón destrución de emprego dado que para moitas persoas paradas supoñían unha importante axuda económica ademais de experiencia profesional.
“Hoxe en día aos docentes tócanos pelexar e loitar para restituír os nosos salarios e mellorar as nosas condicións laborais, mais non a conta de horas extras procedentes dun traballo que era desempeñado por profesorado en situación de desemprego” rematou Dores.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
