O Burela Pescados Rubén alcanza o liderato da Primeira División tras vencer por 2-1 ao Rioja e empatar o Atlético de Madrid en Alacante (5-5). A vitoria pola mínima ante as rioxanas sumado ao tropezo colchoneiro, permite ás mariñás asaltar o liderato no momento cume da Liga xa que na vindeira xornada ambas escuadras enfróntanse no feudo madrileño cun punto de vantaxe para as laranxas.
O conxunto dirixido por Quico Otero sacou adiante o seu compromiso (2-1) ante o Rioja con sufrimento e coraxe xa que as rioxanas mostraron a súa condición de equipo competitivo. Sen un dominador claro e sen claras ocasións de gol transcorreu un choque intenso que viu alterado o empate inicial co gol conseguido por Bea Mateos, minuto 12. Tras un roubo e parede, a xogadora mariñana bateu a Yarie cun potente disparo raso, inclinando a balanza do bando local. A disputa polo control do xogo continuaba e Peque case consegue o segundo tanto local ao bordo do descanso pero o 1-0 mantívose.
Na continuación as alternativas no dominio foron unha constante pero sen precisión no último pase e o remate. A medida que se achegaba o tramo final a tensión aumentaba e o Burela Pescados Rubén situouse no cupo de faltas, a oito minutos para o desenlace. Non soubo aproveitar esta baza a escuadra rioxana que apostou por xogo de cinco no minuto 37 que Claudia castigou logrando o 2-0 para alegría de Vista Alegre. Tras roubar o balón, Claudia lanzou un certeiro disparo desde uns 14 metros logrando a tranquilidade do seu equipo. No último minuto, Jess recortou distancias (2-1) reactivando a tensión pero finalmente os tres puntos quedáronse en Vista Alegre que presasiaba o asalto ao liderato conquistado.
Ficha técnica
Burela Pescados Rubén: Jozi, Bea Mateos, Peque, Claudia, Daniela –cinco inicial- Lidia, Cris.
Rioja: Yarie, Eva, Shio, Bea Martín, Carmen –cinco inicial- Cris, Bea, Jess, Lara, Rebe.
Goles:1-0, m.12, Bea Mateos; 2-0, m.37, Claudia; 2-1, .m.40, Jess.
Árbitros: Diego Franco e Jordi Villanues de Lugo. Amosaron cartón amarelo a Cris do Burela Pescados Rubén.
Incidencias: Xornada 22 da Primeira División disputada en Vista Alegre, 400 espectadores. Ao inicio do encontro ambos conxuntos posaron coa pancarta da Asociación Piel de Mariposa (Debra España). O Burela Pescados Rubén ofreceu á súa afición o premio de Mellor Equipo Feminino de Galicia, entregado na Gala Premios do Deporte Galego 2013.
*Foto: A Caixa Escura Producions.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
