O Burela FS Pescados Rubén recibe este sábado, na 22ª xornada de Primeira RFEF, o FSF Rioja, sexto clasificado, na antesala do gran duelo polo liderado fronte ao Atlético de Madrid Navalcarnero, que tamén dispoñerá dun compromiso complicado, na visita á pista do UA Alicante, cuarto. O encontro entre galegas e rioxanas comezará ás 18.30 horas, en Vista Alegre.
Cun só punto entre madrileñas e mariñás, o cadro laranxa non se permite marxe de debilidade. “Non podemos permitirnos o luxo de baixar a motivación tanto pola entidade do rival coma por manter intactas as nosas opcións ao título. O importante é puntuar de tres en tres e seguir con opcións de alcanzar o liderado” explicaba tallante o adestrador do Burela FS, Quico Otero, en vésperas da cita coas diamantinas. “É un equipo que xoga con moito criterio, tacticamente bo, que está facendo máis puntos fóra ca na casa” advertía o técnico laranxa, destacando “un quintento moi bo, xogadoras que len ben o partido, calidade individual e algunha con pegada desde fóra da área”.
Para este sábado Quico Otero non poderá dispoñer das lesionadas Maite e Paula, coas que o técnico espera contar axiña. As rioxanas chegarán con todos os efectivos, coas molestias e sobrecargas típicas a estas alturas da tempada, segundo informou o seu adestrador, Álvaro Cordón.
Na primeira volta, as galegas impuxéronse por 0-4.
DEBRA España
Coincidindo co partido entre rioxanas e galegas, Vista Alegre volverá renderse á causa de DEBRA España, Asociación Piel de Mariposa, para demostrar o seu apoio ao colectivo abrindo a venda de pulseiras e bolboretas solidarias tanto no pavillón burelista como na Tenda Laranxa ata finais de tempada.
Mellor Equipo Feminino 2013
O CD Burela FS Pescados Rubén recibiu este xoves na Cidade da Cultura de Santiago de Compostela o galardón como Mellor Equipo Feminino dentro dos Premios do Deporte Galego 2013, presididos polo titular da Xunta de Galicia, Alberto Núñez Feijoo, e o secretario Xeral para o Deporte, Xosé Ramón Lete Lasa. O club laranxa recolleu o premio en mans de Cesarina Fanego, cofundadora da empresa patrocinadora Pescados Rubén, que acudiu ao acto xunto ao seu marido, Rubén Blanco; o presidente da entidade laranxa, Manuel Blanco; o vicepresidente, José Luis Sáez; e os directivos Alba Vila e Marcelino Luna; así como a capitá Lidia Mesías e o resto do equipo mariñán.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
