Lourenzá, 17 de marzo de 2014. O Concello de Lourenzá repartirá 20 composteiros entre os veciños interesados en participar nunha nova campaña de compostaxe doméstica promovida pola Mancomunidade de Concellos da Mariña Lucense a través dun convenio con Sogama. Anunciouno a alcaldesa, Emma Álvarez Chao, a través dun bando que fixo público este luns.
O técnico de emprego do Concello de Lourenzá, José Cuadrado, que é mestre composteiro, explicou que “a Mancomunidade de Concellos da Mariña Lucense, a través dun convenio firmado con Sogama, volve poñer en marcha un programa de compostaxe doméstica, como o que xa tivo lugar hai uns anos no noso concello. O obxectivo é reciclar a materia orgánica en orixe a través da súa transformación en compost, que é un abono natural cunhas excelentes propiedades para o solo e que se pode utilizar tanto en xardíns como en hortas en substitución dos fertilizantes artificiais, acadando uns importantes beneficios ambientais, económicos e sociais para todos os veciños”.
José Cuadrado engadiu que “este proxecto supoñerá unha práctica medioambiental máis correcta, que servirá de exemplo para as familias que queiran colaborar, incidindo así nos valores que lles inculcamos aos máis pequenos, ao mesmo tempo que reduciremos os gastos e melloraremos o entorno. A materia orgánica que se bota no composteiro reduce a que se bota no colector habitual reducindo así os gastos que orixina o lixo”.
Cuadrado tamén comentou que “en principio o Concello de Lourenzá vai repartir un mínimo de 20 composteiros a aquelas persoas que estean interesadas en participar neste programa e vaise seguir unha rigorosa orde de inscrición, ou sexa os vinte primeiros que se inscriban serán os que terán prioridade para levar o composteiro. Estes participantes van ter unha formación a cargo dun técnico de Sogama para que saiban como levar o proceso e a maiores os mestres composteiros faranlle un seguimento case diario. Os mestres composteiros serán o concelleiro de Medio Ambiente, Antonio Reigosa, e máis eu”.
O técnico de emprego do Concello de Lourenzá anima a todos os veciños a participar neste programa, que “é unha iniciativa que xa se leva facendo tradicionalmente nas casas, pero desta maneira faise de maneira un pouquiño máis profesional”.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
