Santiago, 5 de marzo de 2014.- O voceiro do Mar do Grupo Parlamentario Popular, Jose Manuel Balseiro, quixo lembrar que xa están en marcha toda unha batería de axudas en apoio do sector pesqueiro e das empresas e profesionais que traballan neste ámbito para paliar as consecuencias negativas da sucesión de temporais que veñen afectando á costa galega e ao conxunto do litoral Cantábrico.
En consecuencia, os populares rexeitaron por “tardía e extemporánea” a iniciativa presentada na Comisión de Pesca do Parlamento de Galicia por Alternativa Galega de Esquerdas (AGE) e na que se solicitaban distintos apoios “que xa existen” grazas ás iniciativas de urxencia impulsadas tanto polo Goberno central, a través do Real Decreto Lei de medidas urxentes, como pola Xunta de Galicia. “Non falamos de fogos de artificio senón de feitos: dunha batería de axudas publicadas no Boletín Oficial do Estado e no Diario Oficial de Galicia”, salientou Balseiro
BATERÍA DE AXUDAS DE URXENCIA
O voceiro do Mar do Grupo Popular lamentou o “enorme descoñecemento” das forzas da oposición do contido destas liñas de axuda e, nun repaso xeral sobre as mesmas, lembrou que o Real Decreto estatal recolle, entre outras medidas, beneficios fiscais e bonificacións nas cotizacións á Seguridade Social para os profesionais da pesca e marisqueo. A maiores, establece outros apoios para os establecementos pesqueiros ou para acometer as obras de reparación de danos en bens adscritos a empresas do ámbito do mar.
No caso da Xunta de Galicia, o Goberno acordou a ampliación do prazo de axudas para solicitar distintos proxectos colectivos presentados polas confrarías e agrupacións de mariscadoras de cara a rexeneración e recuperación de bancos produtivos. Esta ampliación de prazo facilita ás entidades solicitantes a preparación dos proxectos que permitan restaurar os bancos marisqueiros e as poboacións de marisco danadas ou nas que tivo lugar unha alta mortaldade como consecuencia do forte vento e das intensas chuvias.
AXUDAS EN INFRAESTRUTURAS PESQUEIAS E DO LITORAL
Balseiro dixo que a estas iniciativas hai que engadir as obras de emerxencia efectuadas nas infraestruturas portuarias e aquelas que se poidan realizar no futuro en función da avaliación dos danos que provocou o último temporal, xa que a sucesión de episodios meteorolóxicos adversos continua producíndose (o último hai dous días) e, polo tanto, a cuantificación final aínda non é definitiva.
Ademais, existen axudas específicas para os concellos costeiros co fin de financiar as obras de reparación das infraestruturas municipais e establecementos turísticos privados que queden afectados. A normativa inclúe, entre outras cuestións, axudas ás corporacións locais polos gastos causados para facer fronte a estas situacións de urxencia, como, por exemplo retirada de areas ou limpeza de vías e paseos marítimos.
SENSIBILIDADE E MEDIDAS EXCEPCIONAIS
Jose Manuel Balseiro destacou a preocupación demostrada en todo momento polos responsables da Consellería do Medio Rural e do Mar, outros departamentos autonómicos e polo propio Goberno central ante a situación xerada polas vaga de tormentas e enfatizou a contribución e implicación directa da conselleira Rosa Quintana que, en opinión do deputado, resultou esencial para que estas axudas visen a luz canto antes.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
