Ribadeo, 19 de marzo de 2014. Este xoves 20 de marzo, ás 09.30 horas da mañá terá lugar un pleno extraordinario e urxente da Corporación Municipal para analizar e desestimar o recurso presentado pola Federación Gallega de la Construcción contra a licitación das obras da residencia de maiores. Este colectivo quéixase dos avais e das garantías que deben presentar as empresas que concorran ao proceso. O alcalde, Fernando Suárez, asegura que ninguén distorsionará este soño colectivo que é a residencia de maiores de Ribadeo.
O rexedor explicou que “hai uns días cando conseguíramos que a Xunta dera luz verde á posibilidade de licitación da residencia de maiores, xa advertía que habería máis paus nas rodas e dicíao con descoñecemento, aínda que o tempo me ven dar razón. Non hai mérito sen esforzo e a verdade é que o feito de que a residencia de Ribadeo sexa unha realidade está pasando por momentos de esforzo e controversias, pero estou convencido que ao facer ben as cousas desde a Corporación Municipal, non só desde o goberno, o barco chegará a porto e a residencia farase a pesares dos paus nas rodas que algúns, de maneira algo espurea, quererán facer”.
Suárez Barcia sinalou que “hai un escrito presentado hai un par de días por unha tal Federación Gallega de la Construcción, que dalgunha maneira ven combater a licitación das obras da residencia de maiores de Ribadeo. Acusan á Corporación Municipal de ser demasiado duros co réxime de garantías que queremos esixir aos posibles adxudicatarios das obras e ao mesmo tempo de ser demasiados duros cos prazos”. O alcalde engadiu que “dun total de 6 aspectos que cuestionan, cinco deles son absolutamente rebatibles, tal e como se fará nun pleno extraordinario e urxente que teremos mañá, e no que se vai explicar e propoñer ao pleno a desestimación destes argumentos”.
O rexedor dixo que “basearémonos en que sí que efectivamente existe urxencia, dado que ata que a Xunta non deu luz verde non se puido licitar o contrato. E isto relacionase coa xustificación dunha cantidade importante de diñeiro para finais de ano por parte de quen nos pon a maioría dos cartos, que é a Deputación Provincial de Lugo”. Fernando Suárez Barcia subliñou que “o réxime de garantías que a Corporación fixa é para defender o interese público e diso temos experiencias próximas, baste con lembrar o que pasou co pavillón cando a empresa adxudicataria quebrou e tivemos que sacar o resto da obra nunha segunda convocatoria”. E engadiu que “o resto que se cuestiona son as garantías globais por seren demasiado elevadas. Estas están previstas na lei e ao mesmo tempo as garantías sobre as melloras, que sí que nosoutros desde a Corporación as establecemos, só están dirixidas ao adxudicatario/a, que si realiza ben a obra non terá ningún problema con estas garantías e os avais seranlle devoltos”.
O alcalde de Ribadeo recoñeceu que “hai unha cuestión menor de erro material que é o importe da garantía provisional, que se calculou con ive, cando por unha modificación legal de hai poucas datas ten que ser sen ive. Como non pode ser doutro xeito corrixirase coma simple erro aritmético e isto é o que irá a pleno. Esta cuestión para nada vai distorsionar este soño colectivo que será unha realidade e que é a residencia de maiores de Ribadeo, a pesares dos paus nas rodas de xeito espureo parece que quere poñer”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
