Cervo, 22 de marzo de 2014- Unhas 800 palilleiras elaborarán encaixe en vivo e de forma simultánea no XI Encontro de Palilleiras que se celebra o sábado día 5 de abril no pavillón de deportes de San Ciprián. Un evento que cada ano vai en aumento, tanto no número de artesás que acoden a palillar, como en afluencia de público. De feito, na edición anterior as persoas inscritas foron algo máis de 600, polo que este ano a asistencia crece de forma moi considerable.
Palilleiras das catro provincias galegas, pero tamén de Asturias e León, participarán nun Encontro que, tal e como destaca a edil de Igualdade, Pilar Armada, “é o máis importante de toda a provincia de Lugo en canto a participación de artesás, e un dos máis importantes de Galicia”. Un evento que ademais foi o primeiro que se celebrou na Mariña.
O alcalde de Cervo, Alfonso Villares, Pilar Armada, e as profesoras de encaixe Mari Luz Méndez e Modesta Lombardero, que participan moi activamente na organización, presentaron hoxe o cartel e o programa, que este ano ademais inclúe novidades como a entrada de artesáns doutros oficios. “O noso obxectivo dende a primeira edición do Encontro é exaltar e manter viva a arte de palillar como un traballo tradicional no noso concello, e agora queremos estender este fin a outros oficios para enriquecer o evento e potenciar de forma xeral a artesanía” asegura Armada.
En concreto, ao longo do día o artesán Francisco Galán fará unha exhibición sobre a técnica do feltro. Este lucense amosará o proceso completo de traballo da lá, dende a súa preparación ata a elaboración de diferentes pezas de vestir ou complementos. Unha técnica milenaria que os asistentes ao encontro poderán coñecer de preto. Ademais, o artesán ofrecerá un obradoiro infantil no que os nenos e nenas poderán facer os seus propios obxectos en feltro.
Programa
Esta novidade únese aos actos tradicionais do Encontro de Palilleiras. O programa arrincará ás 10 h. coa recepción de palilleiras no pavillón. Media hora máis tarde comezarán a traballar cos fíos amosando a súa práctica cos palillos, exhibición que durará ata as 13:00 horas. Ao mesmo tempo, ás 12:00 horas os acompañantes participarán na visita á Fábrica de Cerámica de Sargadelos, da que as palilleiras gozarán ao remate dos traballos. A hora do xantar está prevista para as 14:00 horas.
Do mesmo xeito, entregaranse diplomas acreditativos da súa asistencia á mocidade palilleira. Tamén haberá sorteo de agasallos doados por empresas e comercios da zona e o grupo folclórico Airiños do Xunco animará a xornada.
Venda en carpa
Como todos os anos, haberá postos de venda de todo tipo de artigos e material relacionado coa arte de palillar, a costura e diversas artes tradicionais. Nesta ocasión son 24 os vendedores que exporán os seus artigos na carpa anexa ao pavillón procedentes de distintos puntos da Mariña, Vilalba, Camariñas, Vimianzo, A Coruña, Vigo, Madrid, Cantabria ou Valencia.
Exposición
De forma complementaria tamén se manterá aberta na Casa da Cultura a exposición “Coas nosas mans 2003-2014”, unha mostra na que se incluirán multitude de traballos en encaixe e tamén elementos relacionados coas últimas dez edicións do encontro e coas últimas dez exposicións sobre a arte de palillar que pretende ser un compendio desta década de actividade.
Un evento organizado polo Concello de Cervo, as mestras de encaixe Mari Luz Méndez e Modesta Lombardero coa colaboración de Xunta de Galicia, Fundación Centro Galego da Artesanía e do Deseño así como de Labores Mabe San Ciprián, fábrica de cerámica de Sargadelos, cerámicas Gudín, Airiños do Xunco, Eladio Bello máquinas de coser, restaurantes e hostalería do municipio, mercería e decoración Ajuar, Cesáreo Eijo Canoura-Pulpería e Multicarpas, Distribucións Carreiras, Presencia Hilaturas S.A., Autos Rodríguez e Concello de Xove.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
