A Deputada de Deseño e Artesanía, Regina Polín, presentou este mércores Estar en las nubes, a nova exposición que acolle a Capela de Santa María, e que amosa unha trintena de traballos multidisciplinares asinados por 11 destacados artistas españois coas nubes como motivo de inspiración. Durante o acto de presentación, que contou coa presenza da Concelleira Ana González Abelleira; Fátima Otero, comisaria da mostra, e Alina Granados, unha das artistas participantes, Polín subliñou que “novamente, a Capela acolle unha exposición de exquisita calidade, con artistas procedentes de toda España que se suman á longa lista de nomes que teñen dado a este espazo o nivel que todos lle recoñecen hoxe en día”.
A Deputada destacou que “responsables e artistas conseguimos facer da Capela o espazo de referencia que é hoxe. Hai poucos espazos coma este, capaz de facer compartir espazo ó arte e á artesanía, conxugando perfectamente tradición e modernidade ó ofrecer un espazo único no que teñen cabida as creacións téxtiles saídas de teares tradicionais e as instalacións artísticas de vangarda”. Pola súa banda, Fátima Otero, destacou que esta é unha exposición única, que reúne obras de artistas que teñen empregado as nubes como tema de inspiración recurrente, e non feitas por encargo. Igualmente, destacou a calidade dos artistas presentes, entre os que se atopan, por exemplo, Eugenio Ampudia, recoñecido como o mellor artista na edición 2008 de ARCO.
11 artistas nas nubes
Esta mostra recolle obras, realizadas baixo diferentes técnicas, que xiran en torno a un eixo común: as nubes. Tal e como destacou Fátima Otero, as nubes teñen sido motivo de inspiración para centos de artistas, ó longo da historia do arte, que plasmaron a través da pintura, a escultura, o deseño, o vídeo ou a o mobiliario, a fascinación polos “caprichos celestes”. Nembargantes, as nubes poucas veces foron tratadas a nivel expositivo, polo que aí radica a orixinalidade desta mostra.
11 artistas multidisciplinares que representan o máis destacado da actualidade do panorama actual en España están presentes en Estar en las nubes. Os galegos Sheila Pazos; Din Matamoro; Alina Granados; Xurxo Gómez-Chao; Jesús Otero-Yglesias aportarán a súa particular visión das nubes, moitas veces de xeito onírico e futurista, a través da pintura e da fotografía; nubes de helio a xeito de pantallas de proxección do vallisoletano Eugenio Ampudia; as famosas rain tables da catalana Andere Mojo, Premio Samsonite de Deseño; as nubes fotografadas do cántabro Ciuco Gutiérrez, ou a combinación de pintura e fotografía do zaragozano Carlos Maño, suman ata 30 pezas que dan boa mostra da sensibilidade do colectivo artístico que reintepretan a tradición cultivada ó longo dos séculos por artistas como Leonardo da Vinci ou Warhol, pasando por Constable, Turner ou Magritte.
Horarios da exposición
A exposición abrirá as súas portas este xoves, ás 20:00 horas, nun orixinal acto cheo de sorpresas para os asistentes, como as nubes de algodón de azucre que se poderán degustar, e no que a música terá un papel protagonista, xa que será a estrea dunha peza para instrumentos de corda, composta especialmente para a ocasión. Ata o 20 de abril, todos os que desexen achegarse ata a Capela de Santa María poderán facelo no seguinte horario: de luns a venres, de 10:30 a 14:00 e de 17:00 a 20:00 horas; e sábados, domingos e festivos 11:00 a 14:00 horas e de 16:30 a 20:00 horas. A entrada é totalmente gratuita.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
