Santiago de Compostela, 05 de marzo de 14. O portavoz de Pesca do Grupo Socialista, José Ramón Val, acusou este mércores ao PP de ter “dilapidado un millón de euros” dos orzamentos do goberno galego para soster a “mentira da reorganización do porto de Foz”. O responsable socialista dixo hoxe que Xunta e Concello queren “prolongar o engano ata as próximas eleccións municipais sen comezar o proxecto”.
O deputado socialista da Mariña dixo hoxe que o denominado como Plan Especial anunciado polo goberno supón “unha nova volta de torca” para “teimar en tentar de facer ver” unha mentira. Esixiulle ao goberno galego que “deixen de enganar aos veciños e de dilapidar os fondos de tódolos galegos e galegas para persistir nesta mentira” coa que unicamente buscan “beneficio político”.
Dixo que mentres o goberno galego despilfarra un millón de euros “para non solventar ningún dos problemas” reais do porto. Reclamoulles que “en lugar de andar enredando deberan de atender ás necesidade dos usuarios”, e puxo como exemplo a dársena norte, que ten dous pantaláns “sen os servizos básicos de luz e auga”.
José Ramón Val explicou que o proxecto de reordenación do espazo portuario foi presentado hai tres anos polo PP como proxecto estrela, cunha serie de propostas para chamar a atención dos veciños e veciñas que a día de hoxe segue sen terse encetado. Subliñou que “3 anos despois podemos ver que, do que plantexaron, nada de nada”.
Actuacións estériles
Polo camiño, sinalou, o goberno galego contratou un estudo estéril para poñer 500 novos amarres a través dun mecanismo de estacas para conter a area, que custou 70.000 euros e evidenciou que a idea era unha “utopía imposible de realizar”. Ademais, despilfarraron 380.000 euros nun dragado de urxencia das canles de acceso que non serviu mais que para desfacer unha zona pública e danar as vías de saída do porto”.
Este dispendio foi “invalidado por vostedes mesmos cando dez meses despois contrataron un novo dragado por outros 400.000 euros que tivo practicamente o mesmo resultado que o anterior”, ademais de outras actuacións como a pasarela da dársena sur que “non era unha prioridade nin unha demanda dos veciños e veciñas”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
