Lourenzá, 18 de marzo de 2014. O departamento de Servizos Sociais do Concello de Lourenzá tramita ata o 26 de abril as solicitudes das axudas establecidas pola Xunta de Galicia para familias con fillos menores de tres anos.
A alcaldesa, Emma Álvarez Chao, anunciou hoxe que “ata o vindeiro 26 de abril o Concello de Lourenzá a través dos Servizos Sociais, que están situados no Torreón dos Frades, tramitará as axudas para a prestación económica de pago único por fillo a cargo menor de 3 anos. Estas axudas foron publicadas na orde do pasado 11 de marzo”.
A rexedora explicou que “os requisitos que deben cumprir as persoas que queiran ser beneficiarias destas axudas é non ter feito a declaración da renda do exercicio 2012 e a maiores teñen que ter a residencia habitual en Galicia e á data da solicitude os nenos teñen que convivir cos solicitantes. Poderán ser beneficiarios aqueles país que teñan fillos menores de 3 anos a fecha 1 de xaneiro. Se están separados ou divorciados teñen que ter a custodia dos fillos e os estranxeiros que residan en Galicia tamén poderán optar a estas axudas se cumpren as condicións da Lei Orgánica 4/2000 sobre os dereitos e liberdades dos estranxeiros”.
Emma Álvarez engadiu que “as persoas que queiran solicitar a axuda poderán pasarse polo Torreón dos Frades e necesitan a seguinte documentación: a solicitude segundo o modelo normalizado cos anexos, que se cubrirá no propio departamento de Servizos Sociais, e acompañarlle a fotocopia do DNI ou do NIF do solicitante ou do seu cónxuxe ou parella, a fotocopia do libro de familia, o certificado de nacemento do Rexistro Civil de cada menor de tres anos, fotocopia da folla da libreta da cartilla de aforros do solicitante como titular e certificado do número de conviventes da unidade familiar”.
A alcaldesa rematou comentando que “o que pretendemos dende o Concello con esta tramitación é axudar a aquelas familias que non fixeron a declaración da renda do exercicio 2012 para que poidan acceder a esta prestación económica”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
