O subdelegado do Goberno en Lugo, Ramón Carballo, e o alcalde de Foz, Javier Jorge Castiñeira, copresidiron este xoves unha reunión ordinaria da xunta local de seguridade na que fixeron unha análise global da situación delincuencial no municipio.
Segundo os datos de denuncias formuladas no conxunto de 2013, a delincuencia rexistrou un descenso en Foz con respecto ao ano anterior, sendo máis reseñable a baixada dos delitos contra o patrimonio e contra a liberdade. Manténse, deste xeito, a tendencia á baixa iniciada no ano 2012.
Colaboración policial
Os membros da xunta de seguridade valoraron ademais o alto grao de eficacia acadado na resolución e esclarecemento dos delitos que se rexistran no municipio focense froito, segundo expresou o subdelegado do Goberno, da “estreita colaboración” existente entre os efectivos da Garda Civil e da Policía Local.
Ramón Carballo valorou ese traballo conxunto, e considerou que “debemos manter constantes os esforzos preventivos” sobre todo tipo de delincuencia así como “seguir traballando para o seu esclarecemento, que é algo fundamental”.
No encontro desta mañá asegurouse ademais que esa “colaboración plena” entre os dous corpos policiais se manterá durante os meses de verán, especialmente na zona dos areais e na celebración dos eventos festivos multitudinarios que acolle o municipio focense durante a época estival, para garantir así a seguridade de veciños e visitantes, e unha atención áxil e eficaz ante as posibles necesidades.
Plan Maior de Seguridade
Na xuntanza celebrada este xoves no Concello de Foz abordouse ademais, e entre outros, o plan Maior de Seguridade posto en marcha a nivel nacional polo Ministerio do Interior para previr e mellorar a seguridade das persoas maiores, como un dos sectores de poboación máis vulnerables.
Entre as medidas impulsadas no marco deste plan salientan as charlas informativas, impartidas por efectivos dos corpos policiais, nas que se informa aos maiores sobre os riscos que constitúen una maior ameaza para a súa seguridade.
No encontro participaron tamén, ademais do subdelegado e o alcalde, representantes da Garda Civil, o Subsector de Tráfico, a Policía Autonómica, a Policía Local e o concelleiro de Seguridade e Policía.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
