O Presidente da Deputación, José Ramón Gómez Besteiro, fixo balance da implantación do Plan Enerxético provincial nos primeiros 20 Concellos, dun total de 47 que forman parte do chamado Club dos Renovables, que decidiron sumarse a esta iniciativa posta en marcha co programa europeo Lug02. 912.567 euros é o aforro que conseguirán estes 20 municipios neste ano grazas ó Plan Enerxético Provincial. Gómez Besteiro entregoulles ós Alcaldes os resultados definitivos das auditorías enerxéticas realizadas en cada Concello polos técnicos da Axencia Provincial da Enerxía, que tamén terán rematadas este mes a instalación de 9.167 elementos de aforro enerxético.
O programa, dotado con 1.100.000 euros cofinanciados por fondos europeos e totalmente gratuíto para os Concellos, consistiu nunha análise individual das casas consistoriais e doutro edificio de titularidade municipal que escolleron as propias entidades locais, para detectar posibles problemas de eficiencia e suxerir as fórmulas máis axeitadas para acadar un aforro de ata un 25% na factura enerxética desas instalacións.
Gómez Besteiro destacou que esta iniciativa “reforza aínda máis a cooperación entre Deputación e Concellos, contribuíndo a permitir un importante aforro ás arcas municipais que beneficia directamente ós veciños”. O Presidente subliñou que “a implantación destas medidas de aforro e eficiencia dá resposta á demanda actual dos propios Concellos sen supoñer ningunha carga económica”. Nesta liña, destacou que “só as auditorías previas realizadas hoxe non serían asumibles por moitos Concellos, polo que o aforro é notable dende o primeiro minuto”.
912.567 euros aforrados
Os Concellos ós que hoxe se lles fixo entrega das auditorías e nos que o Plan Enerxético provincial está implantado son os de O Incio; A Fonsagrada; Abadín; Cervantes; Pol; Samos; Pedrafita do Cebreiro; Negueira de Muñiz; Barreiros; Rábade; A Pontenova; Baralla; O Valadouro; Meira; A Pastoriza; Navia de Suarna; Láncara; Trabada; O Vicedo e A Pobra do Brollón. No caso destes catro últimos Concellos, nos vindeiros días os técnicos procederán á instalacións dos novos compoñentes, ós que seguirán os concellos restantes da provincia.
Gómez Besteiro desglosou os 912.567 euros de aforro:
– 192.182 euros na factura eléctrica pola implantación das medidas recomendadas nas auditorías previas,
– 522.385 euros do custe nos compoñentes instalados, adquiridos pola institución provincial de manera conxunta, o que tamén abaratou os custes,
– 200.000 euros nas auditorías previas realizadas pola Deputación.
A Deputación traballou en 13 Casas Consistoriais; 3 polideportivos; 7 centros socioculturais; 4 colexios públicos; 2 centros de saúde, e 19 instalacións de alumeado público, así como a compra e posterior colocación de 9.167 compoñentes, entre lámpadas de baixo consumo, reloxos astronómicos para programar automaticamente o acendido do alumeado; válvulas termostáticas ou descargadores de sobretensión.
Menos emisións de Co2
Ademais de acadar un significativo aforro nos gastos de facturas eléctricas, a implantación do Plan Enerxético provincial tamén contribuirá á redución na emisión de gases, ó que repercutirá positivamente na conservación do medio ambiente. Nestes 20 Concellos acadarase un aforro enerxético de 563,64 toneladas de Co2, equivalente á prantación de 28.182 árbores, o consumo de 2.251 barrís de petróleo ou o consumo eléctrico anual de 446 familias. Hai que ter en conta que os gastos en electricidade poden supoñer ata o 90% da factura enerxética dun Concello e o 15% do seu orzamento.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
