O Burela FS Pescados Rubén xa é finalista da XXIII Copa Galicia, grazas ao 2-4 de onte nos Os Remedios ante o Cidade das Burgas, con hattrick da capitá, Lidia Mesías. Deste xeito, as pupilas de Quico Otero suman a súa clasificación á do cadro de Juanlu, que se impuxo en semifinais ao actual campión, Azkar Lugo (1-0).
As burelistas tiveron que remar contra un electrónico adverso. O Cidade das Burgas conseguiu adiantarse, xa no minuto 6, de Sonia. No entanto, co paso dos minutos, Lidia puido devolver as táboas, no 17, para chegar ao descanso con 1-1.
A intensidade das da Mariña axiña lles trouxo boas novas. Bea Mateos ampliou distancias no minuto 22 e Lidia subiu o 1-3 no 25. A falta de oito minutos para o final, as locais optaron pola saída da porteira xogadora e enseguida obtiveron resultados; Figo anotou o 2-3 (minuto 32). O Cidade dispuxo de boas ocasións ante a férrea defensa laranxa, coa sentenza de Lidia no 36, co 2-4 definitivo.
A Malata
O pavillón ferrolán da Malata acollerá a final da XXIII Copa Galicia o xoves 1 de maio, baixo a organización do Comarcal A Fervenza FSF, da Segunda División. Ás 17.00 horas disputarase a cita feminina entre o Ponte Ourense e burelistas e ás 19.00 horas saltarán á pista os laranxas para medir as súas forzas ao Santiago Futsal. A cita futbolística contará ademais cun heteroxéneo programa de actividades complementarias.
Ficha técnica
Cidade das Burgas: Ana, Sonia, Nerea, María Arias, Vanessa -cinco inicial- Candela, Natalia, María Romero, Figo, Peke, Iria, Elena.
Burela FS Pescados Rubén: Patri, Peque, Bea Mateos, Lidia, Claudia -cinco inicial- Lara, Daniela, Maite.
Goles: 1-0, m.6, Sonia; 1-1, m.17, Lidia; 1-2, m.22, Bea Mateos; 1-3, m.25, Lidia; 2-3, m.32, Figo; 2-4, m.36, Lidia.
Árbitros: Andrés García // Javier Arca
Tarxetas: Amarelas a Nerea, Iria, Sonia, de Cidade
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
