Xestora da Plataforma de Emigrantes Retornados da Mariña.- “Disque hai que perseguir aos emigrantes retornados, pois estanse a facer de ouro coas súas pensións de xubilación do estranxeiro e encima teñen o descaro de non declaralas. De nada serve que técnicos da propia Aministración Tributaria digan que a lei é ambigua, que os convenios bilaterais non hai “dios” que os entenda, que a desinformación sexa xeralizada e se estenda aos propios funcionarios. Disque, ademais, lle botan moito morro, pois piden que se modifique unha lei para a súa comenencia, cando é unha lei inxusta coa que se prexudica ás rendas mais baixas (incluídas persoas en activo), que non queren pagar; cando o que están dicindo a quen os quere escoitar é que eles pagarán o que teñan que pagar pero que se lle quiten unhas sancións abusivas e aleivosas, que só teñen como fin recadar na parte mais débil da poboación. Din, os señores do Goberno que “FACENDA SOMOS TODOS”, os emigrantes retornados dicimos que así deberá ser pero non é. Dende que levamos loitando para a solución do noso problema, vimos como clubs de fútbol alcanzan acordos para non-pagar a débeda con Facenda, en cómodos prazos, como declaran sen cortarse que os Clubs de fútbol do Estado Español lle deben a Facenda arredor dos 750 millóns de euros (se eso é o que din non quero nin pensar cal é a débeda real), sen contar a Seguridade Social, dispositivos de antidisturbios para os partidos, dereitos de televisión que se pagan cos impostos, e un largo etcétera. “Facenda somos Todos”, mais ben parece que Facenda somos os tontos.”
Xestora da Plataforma de Emigrantes Retornados da Mariña
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
