Lugo, 23 de abril de 2014.- O equipo de Goberno Provincial presentará unha moción no vindeiro Pleno, que terá lugar o martes 29 de abril, manifestando o seu “absoluto rexeitamento” ó Anteproxecto de Lei Orgánica do Poder Xudicial, esixindo ó Goberno Central “a súa inmediata retirada porque atenta contra o acceso á tutela xudicial dos cidadáns”, e instando a Feijóo a que “inicie os trámites necesarios para garantir o mantemento dos 45 partidos xudiciais de Galicia”.
O pasado 4 abril, o Consello de Ministros presentou o Anteproxecto de Lei Orgánica do Poder Xudicial que, entre outras modificacións, supón a supresión da actual planta xudicial. De aprobarse, na provincia de Lugo eliminaríanse 8 dos 9 partidos xudiciais que existen na actualidade. “Esta nova lei que pretende aprobar o Ministro Gallardón é unha nova barreira que introduce o Partido Popular no acceso á xustiza, menosprezando a Constitución que garante o acceso a este servizo público esencial. Esta nova traba súmase ó desmesurado incremento das taxas xudiciais. Parece evidente que unhas taxas prohibitivas para os cidadáns e a alteración da organización xudicial, responden ó obxectivo de impedir que os cidadáns gocen do seu dereito á xustiza”, mantén o Goberno Provincial.
A reforma impulsada polo Partido Popular “non atende a realidade de Galicia en xeral, nin da Provincia de Lugo en particular”. A supresión dos partidos xudiciais de Monforte, Sarria, Mondoñedo, Viveiro, Becerreá, Fonsagrada, Chantada e Vilalba priva ó 60% dos lucenses dunha xustiza accesible, obrigándoos a desprazarse máis dunha hora da súa residencia, co consecuente incremento do gasto.
Favorece o despoboamento
“A unha cidadanía espallada no territorio debe corresponder unha planta dos servizos públicos que facilite o achegamento dos cidadáns. Os actuais partidos xudiciais veñen dando resposta á litixiosidade, pero tamén á proximidade. Esquecer esta non mellora aquela, só a cambia de lugar. Pero crea outros problemas ós profesionais da xustiza, funcionarios, avogados, procuradores, entidades auxiliares, Concellos e, sobre todo, ós cidadáns. Novamente, o PP fai distincións entre cidadáns de primeira e de segunda coa máxima arbitrariedade posible, diferenciándoos polo seu lugar de residencia. A loita contra o despoboamento, o abandono do territorio e a sostibilidade do ámbito é incompatible coa supresión dos servizos mínimos”.
“Desprezo do PP cos lucenses que non viven na capital”
“O desprezo do Partido Popular cos lucenses que non residen na capital foi unha constante dende a chegada ao Goberno. A esta reforma da planta xudicial hai que sumarlle a reforma sanitaria, que centralizou a xestión hospitalaria no Hula mediante as áreas integradas. Esta medida centralizadora forma parte dunha política xudicial fondamente lesiva para os cidadáns”. O Goberno Provincial lembra que o PP paralizou os procesos de modernización tecnolóxica, de posta en funcionamento da nova oficina xudicial e de creación de prazas, ó tempo que anunciou a modificación dos Rexistros Civís e agora propón a desaparición dos partidos xudiciais e a concentración da actividade xurisdicional nas capitais de provincia.
Acordos
“Polo exposto, e ante o novo ataque ós cidadáns promovido polo Partido Popular, que afasta a xustiza dos lucenses para facela inaccesible”, a moción do Goberno Provincial propón os seguintes acordos:
Manifestar un absoluto rexeitamento da Deputación de Lugo ó Anteproxecto de Lei Orgánica do Poder Xudicial.
Esixir a inmediata retirada ó Goberno Central do Anteproxecto de Lei Orgánica do Poder Xudicial, por ser unha reforma que atenta contra o acceso á tutela xudicial efectiva dos cidadáns.
Esixir ó Presidente Feijóo que inicie os trámites necesarios para garantir o mantemento dos corenta e cinco partidos xudiciais de Galicia.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
