Ribadeo, 2 de abril de 2014. O presidente do Partido Popular de Ribadeo, Jesús López Penabad, denunciou este mércores que o rexedor, Fernando Suárez Barcia, está a discriminar varias rúas do Concello posto que necesitan dun arranxo urxente e sen embargo non comezou a amañalas.
Neste senso, o popular criticou que a Avenida Rafael Fernández Cardoso e a Rúa Sor Pilar de León, ámbalas dúas, unidas pola Rúa Carlos III, presentan un pavimento lamentable, algo polo que os populares presentaron na pasada sesión plenaria un rogo para que o rexedor as reparase.
“Cabe lembrar que a Rúa Sor Pilar de León está ubicada detrás do colexio concertado das monxas e o feito de que se atope nestas condicións terceiromundistas é moi grave, xa que estamos a falar dun vial que é moi transitado e que atópase unha escola e ao longo do día pasan vehículos”.
Criticou o popular que o rexedor comprometeuse a solventar esta problemática pero comezou a reparar outras zonas do Concello e estas, que están nunha situación deplorable, deixounas marxinadas.
O presidente do PP en Ribadeo engadiu que, ante esta situación lamentable na que se atopa esta zona da vila, Suárez debe actuar, para o que non fai falla investir moito diñeiro, pois chega con tapar as fochancas, que cada vez son maiores”.
López Penabad instou ao rexedor a que deixe de pedir e mire para o seu concello posto que está continuamente reclamando a Fomento o arranxo da A- 8 e sen embargo as rúas municipais están en situación terceiromundista.
Rematou o popular urxindo ao rexedor a que cumpra co dito no pleno e arranxe inmediatamente estas rúas que son moi transitadas, atópanse en estado lamentable e dificultan a circulación de todos aqueles cidadáns que fan uso das mesmas.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
