A MARIÑA, 23 DE ABRIL.- O Partido Socialista da Mariña organiza este xoves -24 de abril-, a petición da executiva de Burela, a charla-coloquio “A reforma da Lei do Aborto a debate”. A coordinadora comarcal –Mayra García- subliña que o encontro dá continuidade á campaña emprendida polo PSOE en todos os Concellos, a través da moción presentada en contra do anteproxecto por ser lesiva para as mulleres e supoñer un menoscabo dos seus dereitos.
Neste senso, a coordinadora comarcal subliña que “cremos necesaria a celebración deste encontro porque se trata do maior retroceso para os dereitos da muller de toda a democracia. Unha vez máis, o Partido Popular decide lexislar a golpe de BOE a moralidade das mulleres, converténdonos nunhas meras xestadoras”, afirma.
“Unha verdadeira involución”
O pasado día 20 de decembro o Goberno Central decidiu presentar no Consello de Ministros o anteproxecto desta normativa, cumprindo así a ameaza que durante estes dous anos de goberno pronunciaba para acender ás súas bases. Deste xeito, o Partido Popular volveu empregar a súa maioría no Congreso para levar a España a “unha verdadeira involución”, que sitúa a este país entre as rexións que están á cola en dereitos femininos relativos ó aborto. Só Irlanda e Malta teñen leis semellantes á do Ministro de Xustiza. A normativa, destaca a socialista, “devolve á clandestinidade ás mulleres, fomentando a mortalidade polo proceso do aborto e introducindo fendas económicas entre as mulleres en precariedade económica que volverán abortar en sotos insalubres”.
“Non permite a decisión da muller”
O anteproxecto presentado “non permite a decisión da muller sobre o seu corpo e vida en ningún suposto”. Fronte á Lei de prazos de 2010, onde as mulleres dispoñían de 14 semanas dende a xestación para decidir se querían seguir adiante co embarazo, a lei do Partido Popular elimina o dereito da muller a decidir se quere interromper a xestación.
E é que a normativa só recoñece dous supostos para poñer fin ó embarazo: o risco para a saúde psíquica e física da nai ou que este sexa froito dunha violación. Non obstante, ademais de esquecer o dereito da muller a decidir, nin sequera se recoñece o aborto por malformación, enfermidade incurable, ou anomalía fetal incompatible coa vida.
“Endurecemento do proceso administrativo”
Ademais, “endurécese o proceso administrativo para abortar nun claro intento para demorar a decisión”, e así quedar fóra do prazo legal. O suposto de aborto por violación poderá executarse só nas doce primeiras semanas e previa denuncia da agresión, deixando á marxe a condición de vítima da muller violada, e esixíndolle unha celeridade inusual esquecendo as connotacións sociais da vítima.
No outro suposto contemplado para abortar, para probar que hai un risco psíquico ou físico para a nai, deberase acreditar un informe médico de dous facultativos, diferentes aos que vaia practicar o aborto e que nin sequera traballen no mesmo centro onde se practique. Asemade, unha vez avaliado e permitido, o traballador social entregará un informe á muller obrigándoa a un período de reflexión de 7 días. Este proceso administrativo supón outra traba que dificulta a posibilidade de estar dentro do prazo legal.
Desenvolvemento do coloquio
A charla-coloquio, que se celebrará no Salón de Conferencias de Burela, dará comezo ás 20:30 horas, e será moderada por Mayra García. A presentación correrá a cargo do secretario xeral do PSdeG-PSOE burelés –Ramiro Fernández- e, como relatores, participarán a deputada provincial –Sonsoles Sánchez Izquierdo- e o médico-xinecólogo –Cristóbal Garfia-.
A executiva provincial presente na homenaxe a Melchor
Asimesmo, a socialista tamén confirma que o secretario provincial e deputado autonómico –Juan Carlos González Santín-, acompañado doutros membros da executiva, participará no “merecido” acto de homenaxe a o ex alcalde de Viveiro –Melchor Roel-, organizado por Comisións Obreiras para este venres, e que está previsto para este venres, ás 19:30 horas, no Teatro Pastor Díaz da localidade viveirense.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
