Burela, 24-4-14.- Un total de sete concellos da Mariña –Barreiros, Burela, Cervo, Foz, A Pontenova, Ribadeo e Viveiro- non respaldaron a Lei do Aborto impulsada polo Goberno do Partido Popular, a través do Ministro de Xustiza –Alberto Ruíz Gallardón-. Este é o resultado da moción presentada polos socialistas nos municipios da comarca e que foi dado a coñecer este xoves na charla-coloquio “A reforma da Lei do Aborto a debate”, organizada polo PSOE, a instancias da agrupación de Burela.
Con este encontro, no que ademais dos deputados provinciais –Sonsoles López e Alfredo Llano-, o deputado autonómico –José Ramón Val-, o xinecólogo –Cristóbal Garfia-, a coordinadora do PSdeG mariñano –Mayra García-, o secretario xeral da agrupación burelesa –Ramiro Fernández- participaron outros voceiros do Partido da comarca, os socialistas dán continuidade á campaña emprendida en contra desta normativa, dende que o pasado día 20 de decembro o Goberno Central presentou no Consello de Ministros o anteproxecto. Concretamente, o PSOE demandou en nove municipios o apoio do Partido Popular para solicitar ao Executivo estatal a retirada de dita normativa, ao ser lesiva para as mulleres e supoñer un menoscabo dos seus dereitos.
Deste xeito, nos concellos nos que se someteu ao debate do Pleno a proposta socialista, tan só dous votaron en contra. Foron Lourenzá e Trabada. Pola contra, o Partido Popular abstívose en Foz e Viveiro. Neste último caso, a iniciativa prosperou logo do visto e prace do equipo de goberno.
Polo que respecta ao resto da provincia, o PP opúxose á moción noutros dez concellos: Baralla, Becerréa, As Nogais, Outeiro de Rei, Palas de Rei, Paradela, Quiroga, Sarria, Sober, e Vilalba. Asimesmo, abstívose en Lugo, Monforte, Pol e Ribas de Sil.
“Un dereito despenalizado”
Coa entrada en vigor desta normativa, tal e como indicou Mayra García, interromper o embarazo deixa de ser un dereito da muller; dereito que existe só dende 2010, e que “volverá a ser un delito despenalizado en certos supostos”, como o era coa Lei de 1985. E é que os supostos redúcense, e a posibilidade da muller de acollerse a eles tamén se restrinxe. Só hai dous: violación e grave perigo para a vida ou a saúde física ou psíquica. Esta circunstancia implica que, a partir de agora, serán, de novo, os médicos os que decidirán se o perigo existe.
Por este motivo, os participantes calificaron a norma de “vergoñenta, pois augura unha maior aparición de mortes por abortos na clandestinidade. A este respecto, a deputada provincial subliñou que “o que pretende o Partido Popular é aniquilar o noso dereito a decidir, é un ataque esnaquizador”.
Análise da Lei
O pasado día 20 de decembro, o Executivo Central decidiu presentar no Consello de Ministros o anteproxecto desta normativa, empregando así a súa maioría no Congreso para levar a España a “unha verdadeira involución”, e que sitúa a este país entre as rexións que están á cola en dereitos femininos relativos ao aborto. Só Irlanda e Malta teñen leis semellantes á do Ministro de Xustiza; normativa que atenta contra a integridade física e psíquica das mulleres (artigo 3 da Carta Europea), desprotexe a dignidade humana (artigo 1) e non respeta a vida privada e familiar (artigo 7) do sector feminino.
E é que, fronte á Lei de prazos de 2010, onde as mulleres dispoñían de 14 semanas dende a xestación para decidir se querían seguir adiante co embarazo, agora o Partido Popular elimina o dereito da muller a decidir se quere interromper a xestación.
Ademais, endurece o proceso administrativo para abortar nun claro intento para demorar a decisión, e así quedar fóra do prazo legal. O suposto de aborto por violación poderá executarse só nas doce primeiras semanas e previa denuncia da agresión, deixando á marxe a condición de vítima da muller violada, e esixíndolle unha celeridade inusual esquecendo as connotacións sociais da afectada.
No outro suposto contemplado para abortar, para probar que hai un risco psíquico ou físico para a nai, deberá acreditarse un informe médico de dous facultativos diferentes aos que vaia practicar o aborto, e que nin sequera traballen no mesmo centro onde se practique. Asemade, unha vez avaliado e permitido, o traballador social entregará un informe á muller obrigándoa a un período de reflexión de 7 días. Este proceso administrativo supón “claramente” outra traba que dificulta a posibilidade de estar dentro do prazo legal.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
