Trípode continúa levando as súas actuacións pola comarca

O Grupo Humorístico Trípode volveu actuar o pasado domingo día 27 para os veciños da parroquia de San Xusto, en Barreiros. Foi no novo local parroquial, ás 19 horas. Algunhas decenas de veciños e visitantes asistiron á representación do “Xuízo anticorrupción” que Trípode vén representando por diversos lugares da Mariña. As actuacións de Trípode continuarán os vindeiros días 10 de maio (no Restaurante “A Naranxa”, de Alfoz) e o día 11 de maio (no local social da Asociación de Veciños de San Román, en Cervo).