Visita mediambiental ó municipio de Cabanas

O pasado 3 de abril, os membros da Escola de Maiores do Concello de Xove viaxaron ao Concello de Cabanas (A Coruña), nunha das súas visitas culturais, que neste caso tivo unha importante impronta medioambiental, tal como veremos máis adiante. A viaxe a realizaron acompañados pola Concelleira de Servizos Sociais, Ana Abad López, e pola Educadora Familiar, Angélica Casabella Quelle. En canto ao desenvolvemento da propia visita, pola mañá, en compaña do Alcalde e a Concelleira de Servizos Sociais de Cabanas, así como pola Educadora Social, visitaron a Praia e o Pinar de Cabanas, pasaron pola Aula de Medioambiente das Fragas do Eume e visitaron o Mosteiro de Caaveiro. Xa pola tarde, despois de xantar, tiveron a oportunidade de coñecer o funcionamento da empresa “Meigas Fóra”, produtora de licores, para rematar a estancia cunha visita á Igrexa de Cabanas.