Santiago, 8 de maio de 2014.- O deputado do Grupo Popular Gonzalo Trenor asegura que a Xunta de Galicia está dando pleno cumprimento ao acordo do Parlamento do pasado mes de decembro impulsando iniciativas e ferramentas para procurar a viabilidade da Cerámica de Sargadelos en Cervo e Cerámica O Castro en Sada. Neste sentido, animou a outras administracións, como a Deputación de Lugo, “a que contribúan activamente na viabilidade económica do grupo Sargadelos”, polo que demandou ao Grupo Socialista que “traslade a súa sensibilidade con esta empresa ao Goberno provincial”.
Gonzalo Trenor manifestou que “Sargadelos é moito máis que unha empresa, é moito máis que un proxecto industrial, porque é unha enseña cultural da identidade do noso país”. Por este motivo, salientou que “a Xunta se ten involucrado activamente na busca de solucións para a empresa, xa que foi a única institución que apoiou economicamente á empresa, a través dun préstamo participativo de 950.000 euros en 2011 e cerca de 400.000 euros a través de subvencións do IGAPE”.
APOIO DOUTRAS ADMINISTRACIÓNS
“É unha mágoa que outras administracións, como a Deputación de Lugo, non contribúan tamén activamente na viabilidade económica do grupo Sargadelos”, lamentou o deputado popular, quen demandou ao Grupo Socialista que “traslade a súa sensibilidade con Sargadelos ao Goberno provincial para que tamén apoie economicamente a esta empresa”.
Gonzalo Trenor afirmou que desde o Partido Popular “estivemos a carón dos traballadores desde o primeiro momento, que sofren unha difícil situación que pon en risco a continuidade do propio proxecto empresarial”. Proba deste compromiso, citou o acordo unánime aprobado no Pleno do Parlamento o pasado 11 de decembro en defensa da continuidade da empresa e do emprego e que segue plenamente vixente, polo que “a proposta que hoxe traen a esta Comisión os socialistas non supón avance algún, porque instan á Xunta a que faga o que xa está a facer”.
PLAN DE VIABILIDADE
O deputado popular explicou que a responsabilidade de impulsar un plan de actuacións que asegure a viabilidade futura da compañía Sargadelos corresponde á propia empresa e non á Xunta. Na actualidade existe un plan de viabilidade e a compañía conta cun novo xerente encargado de acometer as accións encamiñadas a garantir o futuro de Sargadelos.
“A Xunta de Galicia e o Partido Popular temos o máximo interese en conseguir que Sargadelos siga a ser un referente cultural de Galicia, que siga a desenvolver a actividade económica que lle dou proxección internacional e que manteña os postos de traballo en Galicia”.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
