Foz, 8 de maio de 2014. O Concello de Foz ultima os preparativos para a primeira edición da Festa do Chicharrón, que se celebrará este fin de semana, sábado e domingo. E, dentro dos actos previos ao festexo gastronómico, onte celebrouse na Casa da Cultura unha mesa redonda na que participaron o alcalde, Javier Jorge Castiñeira, e tres xubilados do mar que recordaron a época na que este peixe tivo unha gran importancia para a economía focense.
O rexedor municipal explicou que a charla coloquio de onte “foi moi bonita e entrañable, hai que agradecerlles aos tres relatores a súa dispoñibilidade e que contaran as súas experiencias sobre a pesca do chicharrón ou xurelo no noso pobo, que viviu sempre con moita importancia esta pesca. Eu creo que temos unha débeda con este peixe, porque deixou moitos cartos na nosa localidade en anos difíciles, de fame, como se falou onte. E a día de hoxe segue sendo unha pesca importante, un produto que se exporta dende A Mariña, e concretamente dende Foz, onde temos unha empresa transformadora, quizais a máis grande da nosa localidade, que é Pescados Rubén e está transformando o chicharro para envialo conxelado a outros países de Europa e de Asia. Polo tanto o recoñecemento é pola súa historia e tamén porque actualmente aínda hai moita xente traballando no noso concello, tanto nas lanchas que o pescan como na industria focense que transforma este produto”.
Javier Castiñeira engadiu que os tres participantes na mesa redonda “Moncho de Chila, Mario de Pena e Paco O Paparuxo xunto co público asistente contaron diferentes anécdotas ilustrando o que foi a historia recente desta pesca na nosa vila. Recordaron cando había moitos barcos que se dedicaban á pesca do chicharrón dende primeiros de novembro ata febreiro, que era a época deste peixe, e comentaron tamén que a baía do Masma, da ría de Foz, era un dos puntos principais do Cantábrico onde se pescaba este peixe. Despois levábase a outros portos, incluso en barcazas”.
O alcalde comentou tamén que “estamos cos preparativos da festa, que vai ser no Campo da Cabana durante este fin de semana, sábado e domingo, e vamos ter a degustación do chicharrón no Campo da Cabana, onde haberá chicharros lañados á brasa, tamén cocidos e con rustrido de aceite de Quiroga e ademais en empanada, que tamén está moi bo. Quero invitar a todos a pasar este fin de semana en Foz e degustar un produto autóctono da nosa Mariña lucense”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
