Burela, 14 de maio de 2014. O xornalista Jenaro Castro será o pregoeiro das festas patronais de Burela 2014. O programa foi presentado este mediodía no salón de plenos do Concello por varios membros da comisión organizadora, pola concelleira de Cultura, Mónica Pedre, e polo alcalde José Mª González Barcia.
O programa de festexos desenvolverase do 23 de maio ao 3 de xuño. O día 23 terá lugar a festa de Cabo Verde na praza de abastos a partires das 20:00 horas. Para o 24 de maio está previsto o pregón que pronunciará o xornalista de TVE e colaborador doutros medios, Jenaro Castro, ás 19:30 horas na Casa da Cultura. Xa pola noite haberá a primeira verbena deste 2014 a cargo da orquestra Millenium. O 25 de maio celébrase o día do na praza do Concello e o día de África na praza de abastos.
Completan o programa infinidade de actividades deportivas e culturais. Polas verbenas de Burela pasarán tamén as orquestras Fania, Televisión, Jerusalén, Costa Oeste, Palladium, Aché, Cinema e Panorama.
A fin de semana grande dos festexos será a do 31 de maio. O sábado confeccionarase a alfombra floral a partires das 10 da mañá. Ás nove da noite haberá misa cantada pola Coral Polifónica de Burela na igrexa parroquial e posterior procesión da baixada da imaxe ao porto. O domingo, 1 de xuño, terá lugar a tradicional procesión marítima e o 3 de xuño haberá unha ofrenda floral no porto ás 12 do mediodía.
As festas patronais de Burela contan cun orzamento que rolda os 100.000 euros, “máis ou menos a mesma cifra que o ano pasado”, segundo sinalou a concelleira de Cultura, Mónica Pedre. A edil destacou “o traballo realizado pola comisión organizadora e a colaboración do Concello e do comercio da vila, que a pesares dos momentos que nos tocou vivir seguen a apoiar esta celebración para que Burela continúe a ter as festas que merece”.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
