Cervo, 25 de xuño de 2014- O Concello de Cervo deu a coñecer hoxe os detalles e o cartel das Noites Alternativas que se desenvolverán nos meses de xullo e agosto. Un acto no que estivo presente o alcalde de Cervo, Alfonso Villares, o edil de Deportes, Luis Guillén, e a representante da área de Deporte de IG10, María Gómez.
Un programa que inclúe ata sete disciplinas para diferentes idades co que a administración local pretende “sacar o deporte ao aire libre aproveitando a época estival e fomentando a actividade nas rúas e, da mesma maneira, colaborando coa hostalería, que se pode beneficiar da participación de decenas de persoas así como da multitude de público que se achega” asegura Guillén.
Cabe lembrar que as Noites Alternativas veñen rexistrando índices elevados de participación, de forma que o ano pasado chegaron a inscribirse máis de 500 persoas. Nesta nova edición, o Concello quixo manter as mesmas disciplinas que o ano pasado despois de comprobar o seu éxito.
Así, nenos e adultos poderán participar en torneos de fútbol praia e volei praia (na praia do Torno), torneos de fútbol sala 3×3 e baloncesto 3×3 (na Praza dos Campos), de pádel (na pista do polígono de Cuíña) así como outras actividades lúdicas como a Noite dos Patíns ou a de Orientación (Praza dos Campos).
Da mesma maneira, as actividades dividiranse por idades, nas categorías sub 10, sub 12, sub 15, sub 17 e sénior. En canto ao horario, será entre as 22 e as 00:30 h. e a inscrición realízase o primeiro día de cada actividade, antes de comezar. Para máis información poden chamar ao 636 50 41 55.
“Un programa co que fomentar a práctica do deporte tamén no verán, máis alá das actividades que ofertamos durante o curso escolar ou das temporadas deportivas a través dunha opción atractiva para o tempo libre”, remata Guillén.
CALENDARIO:
Fútbol praia: 8, 9 e 10 de xullo
Voleibol praia: 22 e 23 de xullo
Noite do Patín: 24 de xullo
Fútbol sala 3×3: 29, 30 e 31 de xullo
Baloncesto 3×3: 5, 6 e 7 de agosto
Noite de Orientación: 19 de agosto
Pádel: 20 e 21 de agosto
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
Estivo organizado pola Asociación Cultural e Artesanal de Mulleres Palilleiras "As Encaixeiras" e contou co apoio do Goberno galego. O porto de Burela foi o escenario no que as palilleiras convocadas amosaron o seu traballo ás persoas que se achegaron. O programa incluiu tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
