O delegado territorial de Lugo, Javier Arias, explicou que se traballa no proxecto para facilitar os fluxos de tráfico entre as estradas autonómicas LU-862, LU-539 e LU-540
Viveiro, 8 de xullo de 2025. A Xunta de Galicia mellorará a seguridade viaria en Viveiro coa construción dunha rotonda na contorna da capela da Nosa Señora da Misericordia. O delegado territorial de Lugo, Javier Arias, visitou hoxe o lugar e confirmou que a previsión é contar co proxecto de trazado antes do fin de ano para a súa supervisión e posterior información pública.
A actuación servirá para ordenar o fluxo de tráfico entre as estradas autonómicas LU-862, LU-539 e LU-540. Estará situada no encontro entre as dúas primeiras, aproveitando a cesión dos terreos adxacentes logo da desaparición dun edificio que no seu momento condicionou o deseño da solución adoptada. O cruce presenta actualmente unha intersección de circulación rotatoria elíptica, que se substituirá por unha glorieta circular máis funcional e segura.
Arias explicou que a Axencia Galega de Infraestruturas está traballando no proxecto, que ademais da propia glorieta incluirá os entronques, a incidencia na mobilidade peonil e a súa integración urbana, así como a reposición dos servizos que se poidan ver afectados polas obras.
O delegado sinalou que se trata dun tramo cun notable volume de tráfico, tanto cara ao centro urbano da localidade como de saída en sentido Lugo pola LU-540 (Viveiro-Cabreiros).
Ao respecto, lembrou que a Consellería de Vivenda e Planificación de Infraestruturas tamén está executando obras de mellora da seguridade e da capacidade desta estrada en 15,5 quilómetros entre Viveiro e Ourol, ás que destina 8,2 millóns de euros.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
