Cervo, 21 de xullo de 2014- A Asociación Cultural Recreativa Fervenza de Sargadelos e o Concello de Cervo deron a coñecer este luns o programa e o cartel da Romaría de Sargadelos que se celebra os días 24 e 25 de xullo na honra de Santiago Apóstolo.
Unha presentación que tivo lugar no Conxunto Histórico Artístico de Sargadelos, o contorno onde se celebra a romaría, e na que estiveron presentes o alcalde de Cervo, Alfonso Villares, a edil de Cultura, Begoña Alonso, a de Xuventude, Yolanda Pedreira, o presidente da asociación, Xosé Fernández, o vicepresidente, Ramiro Chaves, e as vocais Sandra Duarte e Isabel Blas.
En canto aos actos, arrincan o día 24 ás 12 h. co lanzamento de bombas de palenque e a sesión vermú con “Alma Latina” (14 h.). O tradicional xantar de romaría está previsto para as 15 h. A festa continuará ás 22:45 h. co concerto de “Ataque Escampe”, a verbena con “Alma Latina” (00:15 h.) e sesión DJ (3:00 h.).
O día do Apóstolo as bombas de palenque volverán anunciar as festas (12 h.) e ás 13:00 h. arrincará a misa solemne cantada polo Coro Parroquial de Cervo e procesión a cargo do Grupo de Gaitas “Airiños do Xunco”. A continuación a sesión vermú co dúo “D-Cine” (14 h.), que tamén será o encargado da verbena (00:15 h.); e despois xantar de romaría (15 h.).
Pola tarde haberá pancetada e chourizada (20:30 h.) e ás 22:45 h. dará comezo o concerto do grupo de música tradicional galega A Roda, con case 40 anos de traxectoria, que irá seguido de queimada de balde a cargo de Nando Blas, queimador maior de Galicia. A festa continúa coa verbena (00:15 h.) e a sesión DJ (3:00 h.). Para a reserva de mesas para o xantar hai que chamar aos teléfonos 620 145 038 ou 651 128 313.
A edil de Cultura destaca que a Romaría de Sargadelos “es una fiesta con una larga tradición, que conserva algunas de las actividades más típicas de la celebración original como la comida de romería, y que tienen un atractivo añadido al celebrarse en un entorno provilegiado como el Conjunto Histórico Artístico”. Pola súa banda a edil de Xuventude destaca “a iniciativa da Asociación Fervenza de Sargadelos, que recuperou a romaría e asumiu a súa organización por sexto ano consecutivo”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
