Burela, 28 de xullo de 2014. Esta mañá foi asinada a acta de ocupación do solar no que se construirá a nova gardería de Burela. O alcalde, José Mª González Barcia, subliñou que as negociacións coa familia Farré sempre foron moi fluídas e que se non se chegou antes a un acordo foi porque o PXOM estaba pendente da súa aprobación definitiva.
O rexedor contou que “hoxe pola mañá, tal e como estaba previsto, asinamos a acta de ocupación do solar no que se vai construír a segunda escola infantil de Burela. Asistiron os dous propietarios da familia Farré: Emilio Farré e José Ramón Mosquera Farré e por parte do Concello asinamos o documento o secretario municipal, o técnico de obras e o alcalde. Ao mesmo tempo se procedeu ao pago de 90.000 euros aos propietarios, de tal forma que a finca pasa a ser de absoluta propiedade do Concello de Burela”.
González Barcia indicou que “o seguinte paso será a inscrición rexistral deste solar, que ten 2.200 metros cadrados e a partires de aí nosoutros lle comunicaremos á Xunta que xa lle ten á súa disposición estes terreos. Tamén se concederá mañá a licenza de obra nunha sesión extraordinaria da xunta de goberno, convocada a tal efecto, e tamén se trasladará comunicación ao goberno galego para que proceda, a través do Consorcio de Benestar e Servizos Sociais, a realizar os trámites pertinentes para a adxudicación da obra”.
O alcalde subliñou que “isto é un paso moi importante para nosoutros para conseguir ese obxectivo que nos tiñamos marcado para construír unha segunda gardería en Burela, que contará con 41 prazas. Somos conscientes, e nunca o negamos, que esta segunda escola infantil ten un custe económico para o Concello. Pero tamén sabemos e somos conscientes que é fundamental a presenza dun servizo público coma este no noso concello para garantir a posibilidade de conciliar a vida laboral e a familiar, asentar poboación en Burela e crear postos de traballo”. González Barcia manifestou que “estamos empeñados nesta idea, somos conscientes de que esta obra supón un esforzo moi importante para o Concello de Burela, pero precisamente a importancia radica na transcendencia que ten para que o día de mañá as familias poidan levar aos seus nenos a unha gardería, poida haber prazas para todos e non como ocorre agora, que na gardería actual as prazas están a tope, hai lista de espera e hai pais que non apuntan aos nenos porque saben que non van ter praza”.
O rexedor de Burela explicou que “os propietarios do solar que ocupará a gardería son membros dunha familia con grande raigame en Burela, dunha familia dunha enorme tradición histórica porque esta familia, de procedencia catalá, se asentou en Burela a finais do século XIX e principios do XX para traer actividade industrial á nosa vila. E ata hai unhas décadas, quince ou vinte anos, viñan por Burela con certa frecuencia. Nós estamos satisfeitos de cómo foron as negociacións coa familia Farré, xa que en todo momento foron fluídas. Se non se concretou antes a compra do terreo era porque o PXOM estaba sen aprobar de forma definitiva e tamén lles teño que recoñecer e agradecer a súa dispoñibilidade para que se puidésemos chegar a un acordo, que eu entendo que é beneficioso para as dúas partes”. Segundo González Barcia “eles mesmos manifestaron esta mañá que por Burela, tanto eles coma os seus antepasados, farían todo o que estivese nas súas mans. Para nós é unha dobre satisfacción: que persoas vinculadas a Burela sigan a pensar nesta vila en positivo e de cara ao futuro e tamén porque sentamos as bases do futuro de Burela para que 41 nenos teñan praza nunha nova gardería durante o curso 2015/2016”.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
