Lugo, 28 de xullo de 2014. A Universidade de Santiago e o grupo empresarial Aresa puxeron en marcha este luns a XV edición do Premio de Desenvolvemento Rural coa presentación das bases e a apertura do prazo de presentación de candidaturas. O vicerreitor de Coordinación do campus de Lugo, Javier Bueno, e o presidente de Aresa, Álvaro Rodríguez Eiras, destacaron neste acto as novidades que presentan as novas bases do galardón e que pasan, entre outras, por ampliar a posibilidade de presentación de candidaturas ás iniciativas empresariais en fase de proxecto.
Os subsectores agrogandeiros, tanto os tradicionais como aqueles que teñen actualmente potencial de desenvolvemento, serán os protagonistas desta décimo quinta edición. De feito, o xurado deste ano valorará novamente nos candidatos a viabilidade económica, a creación de emprego e a posta en valor dos produtos da terra. Pero ademais teranse en conta aqueles proxectos que supoñan a recuperación de subsectores agrícolas e gandeiros tradicionais que teñen potencial, do mesmo xeito que aqueles que supoñan innovación de produtos, métodos produtivos, etc.
A segunda novidade desta edición será que tamén poderán optar ao premio aquelas iniciativas empresariais que aínda están en fase de proxecto, xa que ata de agora aceptábanse unicamente proxectos xa iniciados ou asentados. Tamén poderán optar ao premio, como en anos anteriores, aqueles traballos de I+D+i que sexan orixinais e que teñan aplicación práctica para o desenvolvemento rural.
O Premio Aresa manterá deste xeito o seu obxectivo orixinario que segue a ser atopar un proxecto representativo que mellore a calidade de vida e o benestar das persoas que viven e traballan no medio rural galego.
O presidente de Aresa fixo referencia a este cambio nas bases explicando que “nesta ocasión queremos dar un paso máis no proceso de modernización das nosas bases facendo fincapé nos subsectores agrarios e gandeiros porque teñen moito que ofrecer na actualidade polo traballo que se está a realizar en mateira de innovación e desenvolvemento”.
Pola súa banda, o vicerreitor de Coordinación do campus de Lugo, Javier Bueno, salientou a importancia que ten o Premio Aresa de Desenvolvemento Rural para a USC, ao tempo que reiterou o seu agradecemento aos promotores. Bueno Lema tamén destacou que “o Premio Aresa é un bo exemplo do que debe e pode ser a colaboración entre a Universidade e o tecido empresarial”.
Nesta XV edición do Premio Aresa as candidaturas faranse públicas novamente (a no ser que o candidato exprese o seu desexo concreto de privacidade) co obxectivo de dar a coñecer aos medios de comunicación os proxectos que hai en marcha en Galicia para que podan conseguir o respaldo de empresas ou institucións. As redes sociais utilizaranse para este labor, xa que na súa páxina de Facebook (https://www.facebook.com/Premio.Aresa) poderán consultarse os proxectos que se vaian presentando, así como as distintas particularidades do Premio. As bases poden consultarse xa na web oficial, www.premioaresa.com.
Nesta ocasión o prazo de presentación de candidaturas rematará o 31 de outubro e a selección do gañador realizarase no mes de decembro, como ven sendo habitual, antes do Nadal. O ámbito de actuación ábrese a toda Galicia e durante estes días invitarase a participar no Premio Aresa mediante carta a todas as empresas e institucións vinculadas co emprendemento e a investigación no sector agrogandeiro galego.
A contía do premio segue a ser de 10.000 euros, o que convirte a esta convocatoria nunha das máis relevantes do sector. Este ano, ademais, ofrecerase a posiblidade á empresa gañadora de solicitar asesoramento e axuda para o desenvolvemento do proxecto.
Un ano máis, Álvaro Rodríguez Eiras, animou a todos a participar neste Premio para dar relevancia á actividade investigadora e empresarial vinculada ao eido rural, “que segue a ser un pilar fundamental para a economía galega”.
Premiados nas edicións anteriores
Na traxectoria deste galardón, creado en 2000 e que acadou un recoñecido prestixio no sector, figuran premiados como o profesor da USC Javier Guitián (en 2001), a Aula de Produtos Lácteos (2002) ou a Facultade de Veterinaria (2008). Fóra do ámbito universitario, outros gañadores foron a IXP Ternera Gallega (2004), o programa de TVG ‘O Agro’ (2005), a D.O. Ribeira Sacra (2006), a Asociación de Criadores de Rubia Galega – Acruga (2010) e a Sociedade Agraria de Transformación ‘Montes de Trabada’ (2011).
Recibiron tamén este galardón o director xeral de Agricultura da Comisión Europea, o lucense Xosé Manuel Rodríguez Silva (2003); os impulsores da queixería Casa Macán (2007); e empresas como a industria cárnica Nova Novafrigsa (2000), Ingapán (2009), Champivil (2012) ou Alibós, que foi a gañadora da última edición.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
