Viveiro, 22 de xullo de 2014.- O IES Vilar Ponte concluíu este mes de xullo o proxecto de innovación educativa ECOFASE que desenvolveu en estreita colaboración coa Facultade de Ciencias da Educación da Universidade de Santiago de Compostela.
Durante os últimos tres anos, traballáronse no centro tecnicas educativas innovadoras, por un lado, a aprendizaxe cooperativa fomentando o traballo conxunto dos alumnos-ás como medio de favorecer unha maior integración e unha mellora no rendemento escolar;Por outro, a aprendizaxe servizo, desenvolvendo un proxecto de recuperación da tradición oral da zona. Con este tipo de aprendizaxe os alumnos-ás reverten o aprendido na aula na comunidade onde conviven.
O próximo curso 14/15, tanto o centro, coma a Facultade de Ciencias da educación, seguirán colaborando en novas propostas de innovación educativa.
A foto corresponde a unha xornada celebrada no centro Geriatros de recuperación de tradicións do entroido en Viveiro, Galicia e diversos países latinoamericanos de onde son orixinarios algúns dos nosos alumnos.