Barreiros, 13 de xullo de 2014. O grupo municipal do BNG non tomou parte no acto de izado das bandeiras azuis en Barreiros por considerar que “os criterios que se están a seguir no concello de Barreiros para a xestión das praias non pretenden a súa optimización e só se fai o indispensable para a obtención dos galardóns.”
Para o BNG é prioritario que as praias de Barreiros sexan xestionadas con criterios turísticos e medioambientais adecuadas á súa situación e piden ao goberno municipal e Xunta de Galiza que elaboren un plan de actuación nos areais que evite situacións de falla de salubridade.
Os nacionalistas lembran que “este ano a praia de Arealonga en Reinante perdeu a bandeira azul definitivamente debido a un vertido de augas fecais procedentes da depuradora, que aínda segue a producirse, e que o goberno municipal foi incapaz ou non tivo interese en solucionalo.”
“Mentras o noso Alcalde se adica a promocionar os plans da Xunta para a praia das Catedrais (por certo, un plan que aínda non se coñece e reclamado con insistencia polo BNG desde o goberno municipal de Ribadeo), no concello de Barreiros, a pouco máis de 500 metros, a depuradora de Reinante segue vertendo augas sen depurar directamente á praia.” Para o BNG “o problema non é que por ese vertido se perda unha bandeira azul, se non que o grave é que poida existir un problema de saúde pública.”
Por iso, os nacionalistas piden que a promoción turística se faga en base a un plan de xestión das praias, coordinadamente co resto de recursos existentes no concello, que permitan optimizar o potencial turístico de Barreiros. No vindeiro pleno insistirán novamente en reclamar o cumprimento do acordo plenario no que, a instancias do propio BNG, se aprobaba iniciar unha campaña de promoción dos baños de setembro coma un xeito de desestacionalizar e ampliar a tempada turística no concello.
Igualmente, desde o BNG tamén instan á nova Conselleira de Medio Ambiente, Territorio e Infraestruturas a que “cambie substancialmente as políticas do seu departamento para Barreiros e comece a poñer en valor os recursos naturais municipais en lugar de apostar pola legalización do urbanismo desmesurado.”
O BNG tamén anunciou que no vindeiro pleno, que ten que celebrarse neste mes, preguntarán a respecto da contratación de socorristas e dos criterios seguidos para tal. Desde o BNG apostan porque a contratación do persoal de salvamento e socorrismo se faga atendendo prioritariamente a razóns de seguridade das praias, aínda que poida supor non conseguir tantos galardóns. “As bandeiras azuis poden ser importantes para a promoción turística, pero o fundamental é ter unhas praias en condicións óptimas de seguridade e hixiene”, conclúen desde a formación frontista.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
