Lugo, 28 de xullo de 2014.- A voceira do PP na Deputación de Lugo, Elena Candia, anunciou este luns que o Grupo Provincial do Partido Popular levará ao pleno provincial deste martes unha moción para pedir a Gómez Besteiro que colabore coa Xunta de Galicia para impulsar a biomasa na provincia.
Así, os populares instarán ao Organismo Provincial ao fomento do uso da biomasa forestal como fonte enerxética, autóctona, limpa e sostible e a promover e respaldar as medidas precisas para, en colaboración coa Xunta e co deseño establecido na Estratexia de Impulso á Biomasa 2014-2020, apoiar os proxectos dirixidos a aproveitar este recurso.
O grupo provincial popular recalca que a Estratexia de Impulso á Biomasa 2014-2020 que deseña o Goberno Galego en colaboración co sector prevé distintos eixos de actuación para incrementar a demanda, apostar pola innovación tecnolóxica e a garantía de calidade e orixe do produto, así como distintas medidas de formación e divulgación.
Afirman os populares que, no seu conxunto, suporá a mobilización de 450 millóns de euros en investimentos ata o ano 2020, a posta en marcha de múltiples axudas directas que superan os 89 millóns de euros de orzamento e a xeración de 1.000 postos de traballo.
“O obxectivo fundamental perseguido polo Goberno galego é aproveitar unhas capacidades que redundarán no despegue da biomasa como fonte de enerxía de presente, pero sobre todo, de futuro, ao tempo que fortalecerán a nosa industria madeireira”- manifestan, quenes lembran, que ao mesmo tempo, apostase por unha enerxía limpa capaz de reducir a dependencia enerxética dos derivados do petróleo; de mellorar a xestión e o rendemento dos montes galegos, e de impulsar o aforro e a eficiencia enerxética en familias, empresas e organismos oficiais, coa conseguinte redución de emisións de CO2.
Os populares consideran que, ademais das súas evidentes vantaxes ecolóxicas, a biomasa contribúe á creación de emprego e beneficia o desenvolvemento económico do medio rural.
IMPORTANCIA DA BIOMASA NA PROVINCIA DE LUGO
Os populares afirman que a Comunidade galega, e concretamente a provincia de Lugo, dispoñen de potencial e recursos para desenvolver unha industria asociada á valorización enerxética da biomasa, porén, “trátase de poñer en valor o monte galego favorecendo unha xestión forestal que facilite o seu desenvolvemento económico, así como outros aspectos tales como a fixación do emprego no rural, a creación dunha industria xeradora de riqueza, a profesionalización da xestión forestal e a prevención de incendios forestais, ao ter uns montes máis limpos e ordenados”.
Manifesta o PP que hai que saber aproveitar as oportunidades de emprendemento e de xeración de postos de traballo, sacando máis partido aos recursos abundantes nesta provincia como son os forestais. “Lugo é con 656.842 hectáreas a que maior dimensión arborada ten de Galicia, superando todas as provincias restantes”- lembran os populares quenes afirman que só nos últimos dez anos a provincia lucense aumentou nun 113% as hectáreas sobre as que se fixeron cortas e aproveitamentos madeireiros, cuxos restos aprovéitanse para biomasa, ao tempo que se veu arborando un 15% máis do territorio forestal que non se atopaba plantado con especies arbóreas.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
