Son xa 40 os inscritos na xornada sobre algas organizada por Nordés

A actividade proposta por Nordés arredor das algas para este sábado 26 de xullo está a despertares moita expectación.

De tal xeito que xa van máis de 40 persoas apuntadas para o xantar, polo que se esperan máis ainda para a hora de facer o resto das actividades, que lembramos son a baixada á praia da Ribeira do Carro (Loiba) para ver “in situ” as diferentes especies de algas que se dan, e coñecer de primeira mán cómo se fai o traballo de recolleita, contando para ilo cos coñecementos do algueiro Xosé Antonio Canoura.

Despois do xantar no Restaurante “El Galeón”, tamén en Loiba, co menú feito a base de algas aportadas pola empresa “Mar de Ardora” irase a facer unha visita ás instalacións da mesma.

Por último, e xá á tardiña, rematará a xornada cunha ruta de pinchos feitos coa nosa protagonista por varios bares de Loiba e O Viso.

A resposta a ista iniciativa supera todas as expectativas que tiñan os organizadores, recibindo chamadas dende que se deu a coñecer a xornada no facebook da asociación, a través de carteis e nos medios de comunicación. Así, teremos xente que ven dende A Coruña, Ferrol, contando tamén con xente de máis lonxe, como Madrid ou La Cistérniga (Valladolid), que pasan uns días connosco coñecendo a bisbarra e que non dubidaron en apuntarse ante unha xornada que se amosa como moi interesante en moitos aspectos, entre eles o culinario, por suposto.