O xogador barreirense Juan Oural Rodríguez “Valego” incorpórase ó Praias de Barreiros que contará con Rubén Novas Maseda “Cholas” na portería.
Formado no mundo do fútbol sala da man de Modesto Veiga nas Escolas Deportivas da Mariña Oriental onde estivo ata os 14 anos, Valego deu o paso ó mundo do fútbol co Atleti Lourenzá, Celta Barreiros ou o Iberia; pero agora volve ás orixes: o fútbol sala. O corpo técnico ve en Juan a un xogador moi sacrificado en defensa que ademais pode aportar goles xogando de pívot, gracias a súa boa pegada en espazos reducidos.
Rubén Novas Maseda “Cholas” volve á que fora a súa casa. O meta focense formouse como xogador nas categorías inferiores do Cadramón Lux, onde empezou a destacar como porteiro ata chegar a ser convocado pola selección galega para disputar os campionatos de España de fútbol sala. Posteriormente, pasou ó equipo senior do Cadramón Lux de 1ª Nacional A. Trala desaparición do equipo barreirense, Cholas enrolouse nas filas do Ribamueble Ribadeo FS de 1ªB e despois na Cantina FS de Autonómica. O Concello de Trabada FS (1ª Nacional B) foi o último equipo co que competiu antes de aparcar o fútbol sala por motivos laborais. O meta focense está chamado a aportar toda esa experiencia ó equipo barreirense desde debaixo dos paos.
Julio Rocha, presidente do Praias de Barreiros, foi o encargado de presentar a Valego como novo xogador do club; mentres que o secretario, Alfonso Fernández, foi o encargado de darlle a benvida a Cholas.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
