Lugo, 22 de agosto 2014.- O deputado provincial nacionalista Mario Outeiro, acusou este venres ao PP de estar preparando “un pucheirazo” para as eleccións municipais do vindeiro ano coa súa proposta de que goberne a lista máis votada. Mario Outeiro afirmou que o PP quere “cambiar a lei en beneficio propio, non en beneficio da democracia nin da cidadanía”, senón para “blindar e perpetuar no poder aos seus alcaldes con independencia do que a xente vote”, criticou.
A proposta do PP de elección directa de alcalde implica a posta en marcha do modelo de “alcalde-caudillo” e “a negación da pluralidade democrática coa intención de impoñer a ditadura da minoría fronte á maioría social que vota nas urnas a forzas políticas diferentes que poden pactar entre elas para gobernar un concello con total lexitimidade”, afirmou o voceiro nacionalista esta mañá na habitual rolda de prensa dos venres logo da Xunta de Goberno provincial, na que compareceu xunto ao voceiro socialista, Manuel Martínez, unha imaxe de pluralidade que, dixo Mario Outeiro, non se produciría coa reforma electoral que propón o PP.
O voceiro do BNG na Deputación dixo que “o PP propón esta reforma da Lei Electoral en beneficio propio, non en beneficio da democracia ou da cidadanía”. Para Mario Outeiro, esta reforma “beneficia claramente ao PP, ao concentrar a maioría dos votos do centro-dereita e extrema-dereita”, fronte ao fraccionamento da esquerda, e beneficia tamén “a un sistema bipartidista onde as minorías desaparecerían”.
“Inconstitucional e antidemocrática”
Mario Outeiro afirmou que “o PP cambia as regras de xogo na metade do partido e faino para seguir no poder, quere cambiar a lei para poder salvar a derrota segura de moitos alcaldes do PP nas eleccións municipais do vindeiro ano”. Criticou ademais que “un futuro alcalde cun miserento respaldo escollido a través desta nova lei tería moitas máis competencias que un alcalde actual con maioría absuluta”.
O portavoz do BNG na Deputación dubidou ademais de que sexa constitucional unha reforma que “dá a maioría absoluta a quen sacou menos da metade dos votos”. “Moitos catedrátidos de dereito din que esa reforma sería anticonstitucional, ademais de que só ten o apoio dun único partido, o que goberna e polo tanto o que aspira a perpetuarse no poder e, por riba non é unha prioridade detectada polos cidadáns en ningunha das enquisas do CIS de entre medio cento de problemas que preocupan á cidadanía”, argumentou Mario Outeiro.
Mario Outeiro tamén se preguntou se “a nova idea lanzada polo PP de realizar unha segunda volta en miles de concellos non entra en contradición cos criterios de austeridade do propio Goberno” e dixo que a reforma plantexada “crea unha gran inestabilidade ou ingobernabilidade xa que teríamos moitos Concellos onde o alcalde non tería o respaldo do pleno para aprobar, entre outras moitas cousas, os Orzamentos”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
