Ribadeo, 19 de setembro de 2014. As Concellarías de Sociedade da Información e Igualdade e a Aula CeMIT de Ribadeo organizan varias actividades para o último trimestre deste 2014. En total ofértanse 90 prazas.
A Aula CeMIT impartirá catro cursos do programa Faite Dixit@l! da Axencia para Modernización Tecnolóxica de Galicia. Neles abordaranse cuestións coma: configuración de dispositivos e uso de aplicacións móbiles; marca persoal; ferramentas web 2.0; e redes sociais. Os cursos, que comezarán en outubro e rematarán en decembro, desenvolveranse en horarios de mañá e de tarde para favorecer a asistencia d@s interesad@s.
O curso de configuración de dispositivos e uso de aplicacións móbiles está dirixido a desenvolver novas competencias dixitais no uso, configuración e programación de aplicacións sinxelas en dispositivos móbiles, como os comprimidos electrónicos e teléfonos móbiles intelixentes. Dito curso terá lugar do 6 ao 14 de outubro en horario de catro a oito da tarde e do 22 ao 30 de outubro de 10 a 14 horas.
O curso sobre redes sociais terá lugar do 13 ao 21 de outubro polas mañás en horario de 10 a 14 horas. E do 10 ao 18 de novembro polas tardes de catro a oito.
O curso sobre marca persoal abordará as novas competencias dixitais no desenvolvemento de estratexias de mercadotecnia online, comercio electrónico e vendas a través de internet. Este impartirase do 29 de outubro ao 6 de novembro en horario de catro a oito da tarde e do 26 de novembro ao 4 de decembro de 10 a 14 horas.
E o curso de ferramentas web 2.0, que permitirá aos asistentes mellorar a xestión, vixilancia tecnolóxica, selección e difusión de contidos e a visibilidade en redes sociais de persoas e empresas, así coma o coñecemento e uso desas ferramentas para plataformas de aprendizaxe Moodle, será do 3 ao 11 de novembro de 10 a 14 horas e do 19 ao 27 de novembro de catro a oito da tarde.
En total ofértase 72 prazas, 9 por cada curso e horario. As actividades terán unha duración de 25 horas repartidas en sesións diarias de 4 horas de luns a xoves. E serán impartidas a través do sistema de videoconferencia.
As preinscricións para asistir a estes cursos xa poden realizarse na Aula CeMIT de Ribadeo, situada na Casa da Xuventude, rúa Antonio Otero, 15, 2º ou no seguinte enlace: http://cemit.xunta.es/gl/centro/66.
O concelleiro Xavier Campos sinala que “son catro cursos para os que calquera ribadense interesado en participar o único que ten que facer é poñerse en contacto co telecentro e anotarse”. E engadiu que “ademais desde a Aula CeMIT estamos sempre cunha oferta constante máis básica, de iniciación á informática para persoas ou para colectivos, que polos motivos que sexa non están habituados a utilizar ordenadores ou internet. E tamén traballamos con cursos para colectivos específicos como amas de casa e temos en mente traballar en accións formativas no ámbito rural a través das escolas que contan con ordenadores. En calquera caso os interesados en coñecer a oferta formativa que temos no telecentro de Ribadeo anímoos a que se pasen por alí ou a que se poñan en contacto con Jorge, que é a persoa que neste momento imparte eses cursos”.
A Aula CeMIT tamén acollerá proximamente o curso Inform@tizámonos?. Están organizados en colaboración co Centro de Información ás Mulleres e teñen coma destinatarias ás mulleres de Ribadeo. Os días 1, 2, 8 e 9 de outubro impartirase na Aula CeMIT en horario de 11:30 a 13:00 horas. E no telecentro de Ove será os días 15, 16, 22 e 23 de outubro de 16:00 a 17:30 horas. O número de prazas que se ofertan para este curso de iniciación á informática é de 18. As preinscrición deben realizarse no CIM.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
