A Deputación de Lugo xa cumpriu nun 97% os investimentos en obras e servizos do Orzamento 2013, segundo se pode comprobar nos informes oficiais do servizo de Intervención do organismo lugués. Deste xeito, a Deputada de Economía e Facenda, Pilar García Porto, cualificou este xoves de “nova metedura de pata monumental” as declaracións do Partido Popular nas que, “un ano máis, utilizando datos tendenciosos e manipulados”, criticou o nivel de execución orzamentaria do pasado exercicio.
“Non é ignorancia a actitude coa que está a actuar día tras día o grupo provincial do PP, é de mala fe”, subliñou García Porto, pois “dunha análise seria e rigorosa dos datos do servizo provincial de Intervención conclúese que os investimentos que destinamos no 2013 para a dotación e mellora de servizos e infraestruturas en tódolos Concellos lucenses ascenderon a 81,4 millóns de euros, entre o orzamentado e a incorporación de remanentes de anos anteriores, quedando dispoñibles 2,7, que tamén dedicaremos ó desenvolvemento da provincia”.
Impulso económico e benestar social
Entre as inversións levadas cabo, Porto destacou “iniciativas vitais para o impulso económico da provincia e o benestar social, en especial do noso rural, como plans de emprego; o 1º centro de recría de gando público en España; a rede de residencias da terceira idade; o servizo de axuda no fogar, que Feijóo decidiu deixar de pagar; axudas ó tecido cultural e deportivo, que a Xunta ten totalmente abandonado; acceso á administración electrónica; plans de aforro enerxético para os Concellos; o Plan de Comunidades Veciñais ou o Plan de Obras e Servizos, ó que, por certo, o Goberno de Rajoy deixou sen un euro e agora temos que soster Deputación e Concellos”.
A Deputada de Economía lembrou que a de Lugo está á cabeza das Deputacións galegas cun nivel de execución orzamentaria máis elevado e avanzou, a tres meses de rematar o exercicio, que o porcentaxe se manterá ó peche de 2014. Ó mesmo tempo, mantense como a menos endebeda de Galicia, coa previsión de acadar o endebedamento financeiro cero no ano 2016. “Xa lle gustaría ó resto de deputacións galegas e á propia Xunta ter uns resultados económicos tan positivos”, recalcou García Porto.
“En caso de que o Partido Popular non saiba ler os datos ou teñan algunha dúbida, máis aló de manipulacións intencionadas, atenderémolos gustosamente para explicarlles todo e cantas veces sexan necesarias, a ver se así deixan de tratar de enganar ós lucenses, asegurou a Deputada.
García Porto preguntouse ó mesmo tempo se o PP de Galicia se mostrará tan preocupado por cuestionar o nivel de execución orzamentaria das restantes deputacións galegas, pois a de Pontevedra deixou no 2013 sen gastar 121,4 millóns de euros; e a da Coruña, 119,3 millóns, “ou soamente se preocupan pola de Lugo porque non está gobernada polo seu partido”.
“Están rabiosos porque non gobernan na Deputación”, sinalou a delegada de Economía, quen recordou que este Goberno provincial “está a saldar, unha a unha, todas as débedas históricas que os populares deixaron cos lucenses, como o pago da débeda do canon hidroeléctrico de Chantada, a transferencia dos hospitais, a posta en marcha dos parques de bombeiros, a construción da sede da UNED en Lugo ou a recuperación como patrimonio público de todos os veciños da provincia das pezas de Álvaro Gil, o Pazo de Tor ou o complexo de Augas Mestas”.
O PP non traballa
García Porto asegurou así mesmo que o Partido Popular “non traballa, incumprindo coa labor seria de fiscalización que ten encomendada como oposición e pola que están cobrando máis de 150.000 euros ó ano 5 dos seus deputados”. “O PP dedícase a repetir cada ano os mesmos datos manipulados, como neste caso o referido sobre a execución orzamentaria ou os da débeda por habitante. Cren que unha mentira repetida mil veces se converte en realidade”, engadiu.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
