Lugo, 12 de setembro de 2014. O vicepresidente da Deputación de Lugo, o nacionalista Antonio Veiga, inaugurou este venres a exposición Barriga Verde, de feira en feira na sala de exposicións Pazo de San Marcos (sede da Deputación de Lugo). Participaron tamén no acto Anxo García, presidente da Asociación Cultural Morreu o Demo, Comba Campoy, secretaria da Asociación Cultural Morreu o Demo e comisaria da exposición, e Alfonso Silvent, representante dos prestadores das pezas orixinais de Barriga Verde.
Esta exposición pretende mergullar os visitantes no fantástico mundo no que naceu Barriga Verde, o último monicreque popular galego. Ao longo das súas salas proponse un percorrido polo mundo no que se desenvolveu este espectáculo, o das feiras tradicionais, acontecemento festivo por excelencia en Galicia até a década de 1960. Así mesmo, condúcenos polas bambalinas da barraca para coñecer os segredos dos titereiros que fixeron posible a maxia destes títeres até a súa desaparición, case ao mesmo tempo que aquelas feiras que aínda lembran os nosos maiores, de cando o cinema e a televisión aínda non eran as principais fábricas de soños.
O último representante desta tradición en Galicia foi Barriga Verde, boneco e marionetista a un tempo, cuxa memoria permanece aínda indeleble en moitas e moitos lucenses que acudían á súa cita fiel co San Froilán. Esta exposición, encadrada no Proxecto Barriga Verde da Asociación Cultural Morreu o Demo, pretende rescatar o heroe galego de cachaporra do seu inxusto ostracismo, e vai permanecer aberta ao público ata o 15 de outubro
Programación complementaria
No período que vai permanecer aberta a mostra ao público, vanse desenvolver diversas actividades, ben na propia sala onde se exhibe, ou no salón de actos da Deputación.
-Obradoiro de construción e manexo de títeres.
Será o 17 de setembro, a partir das 17 h., na propia sala de exposicións. Para un máximo de 25 nenos e nenas entre 6 e 14 anos.
-Presentación das obras, o libro-DVD “Morreu o demo, acabouse a peseta” e “José Silvent Martínez, o mítico Barriga Verde”
O 18 de setembro, ás 20:00 h., na propia sala de exposicións.
-Proxección do documental Morreu o Demo,acabouse a peseta (78’) dirixido por Pedro Solla e producido por Tintimán Audiovisual
O 30 de setembro, ás 20.00 h., no salón de actos da Deputación de Lugo.
A entrada é de balde para todos estes actos e actividades.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
