Burela, 16 de setembro de 2014. Un grupo de alumnos e alumnas do CEIP Vista Alegre participaron este martes no Concello nunha charla sobre mobilidade e educación vial, que foi impartida por membros da Policía Local e polas monitoras de Gaia. Os rapaces foron recibidos polo alcalde, José Mª González Barcia, e pola concelleira de Servizos Sociais, Diana Durán. Deste xeito daban comezo as actividades da Semana Europea da Mobilidade, que seguirán ata o vindeiro luns, 22 de setembro.
Charlas, circuítos de karts, paseos desde o colexio ata Concello, mesas informativas e xogos compoñen a programación deste ano, que organizou a Delegación Municipal de Medio Ambiente. Ademais o sábado, 20 de setembro, de 18.30 a 19.30 horas haberá un espectáculo de maxia na praza da Mariña, a cargo do Mago Pi.
E o domingo, 21 de setembro, será o día sen coches. Así desde as nove da mañá ás dez da noite estarán pechadas ao tráfico as rúas Pardo Bazán (no treito da intersección de Curros Enríquez e Eijo Garay) e Eijo Garay (no treito da intersección de Rosalía de Castro e Pardo Bazán). En Pardo Bazán haberá carreiras de mobilidade, organizadas por Gaia e na praza da Mariña situaranse mesas informativas das asociacións Esperanza e Mulleres en Igualdade. Esa xornada terá lugar tamén un obradoiro de maquillaxe e outro de manualidades, unha actividade denominada Palillando na rúa, a cargo de As Encaixeiras e Dispara a gol coa participación de xogadores/as dos equipos de fútbol sala de Burela. Haberá de novo maxia, unha merenda infantil patrocinada por ACIA Burela e as actuacións musicais de Rabentola, Batuko Tabanka e Nós Bandera. O programa de actividades da Semana Europea da Mobilidade concluirá o luns.
Desde a Concellería de Medio Ambiente lembran que “Burela é un participante destacado na Semana da Mobilidade. Este é o sétimo ano consecutivo en que celebramos esta cita, que ten por slogan neste 2014 Unha rúa mellor é a túa elección”. Das 450 cidades participantes en toda España, 6 son galegas: A Coruña, Burela, Barco de Valdeorras, Lugo, Ourense e Vilagarcía de Arousa. “Burela participa cunha semana de actividades, adoptando medidas permanentes e celebrado o día da cidade sen coches. Somos un participante destacado ao celebrar a SEM nestes tres apartados”, engaden desde o Concello.
As actividades da Semana Europea da Mobilidade foron presentadas pola concelleira de Medio Ambiente, Patricia López Eijo, e polas técnicas que participarán nas mesmas.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
