Burela, 19 de setembro de 2014. O alcalde de Burela, o popular José María González Barcia, reuniuse este venres coas directivas da asociación de veciños O Vencello e a comunidade de montes en man común, para tratar distintos asuntos da vida municipal, especialmente aqueles vinculados coa baixada de impostos e coa modificación tributaria de certas fincas a raíz da aprobación do Plano Xeral de Ordenación Municipal (PXOM).
Na reunión, que o rexedor cualificou como “positiva e cordial”, Barcia explicou con detalle a baixada de impostos, que fundamentalmente afectará ao IBI (contribución urbana) e imposto sobre plusvalías: “por primeira vez o tipo impositivo será o mínimo permitido pola lei, o 0’40%, o que pode supoñer un aforro para os contribuíntes de aproximadamente 120.000 euros e ademais estamos analizando as vantaxes e inconvenientes de solicitar unha actualización dos valores catastrais; en principio, a revisión dos mesmos apunta a que sería á baixa, pero un asunto de tal calado hai que estudalo moi a fondo”.
González Barcia tamén manifestou que o Concello xa lle solicitou á Xerencia Provincial do Catastro a modificación do tipo impositivo a aplicar ás fincas que pasan a solo rústico no PXOM, que a partires do día un de xaneiro tributarán como o que son, rústicas. Igualmente tributarán como rústicas as fincas incluídas dentro de bolsas de solo urbanizable non urbano que se deberán desenvolver a través de plans parciais. “Isto é unha vantaxe para o propietario, xa que tributará polos dereitos urbanísticos marcados no PXOM para a parcela en cuestión: se é rústica, será rústica a todos os efectos”, afirmou o alcalde.
No referido ás plusvalías, o rexedor reiterou que a ordenanza quedará eliminada. No tocante ás taxas por bados permanentes, cemiterio, auga, lixo, terrazas, licencias de apertura e imposto de vehículos, estas baixarán un 0’5%. González Barcia lembrou que “estas mesmas taxas subiron en 2009 un 4’5% co bipartito, e nunca na historia se baixaran estes tipos impositivos. Baixar un 0’5% non é gran cousa, pero estou seguro de que os veciños o recoñecerán”.
Noutro orde de cousas, o alcalde burelés explicoulles ás directivas dos colectivos que están a preparar un proxecto de rexeneración de camiños, para o que contarán cunha subvención da Xunta. Barcia pediulles que lle suxiran qué camiños arranxar, dentro dos que o Concello baralla como posibles.
Igualmente, informounos de todas e cada unha das actuacións que están a levar a cabo, e destacou o inicio das obras da gardería: “no noso programa electoral ía baixar os impostos e facer unha nova escola infantil, e nos dous casos cumprimos”, dixo José Mª González Barcia.
Tamén lles comunicou aos asistentes que a vindeira semana comeza a levarse a cabo un plan de recuperación de beirarrúas, que terá continuidade en 2015.
Finalmente, o alcalde reiterou o mantemento dos servizos que presta o Concello: “non houbo ningunha merma nin nos servizos educativos nin nos servizos sociais: mantemos comedores e actividades de tarde nos colexios, e en servizos sociais estamos mantendo todo o que se viña facendo, e mesmo incrementando os mesmos”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
