Burela, 13 de setembro de 2014. O alcalde de Burela, José María González Barcia, arroupado pola práctica totalidade do seu grupo político, anunciou hoxe unha rebaixa de impostos, taxas e prezos públicos de cara ao ano 2015, rebaixa que será sometida a aprobación no pleno ordinario correspondente ao presente mes de setembro.
González Barcia, no seu anuncio, fixo unha introdución referida “á herdanza recibida. Non é unha frase retórica, atopámonos unha situación gravísima, que nos levou a ter que pedir un crédito dun millón cen mil euros para pagarlles aos provedores todas as facturas que estaban sen pagar cando chegamos ao Concello en xuño de 2011. Tres anos despois, a economía do Concello segue sen ser a idónea, polo que temos que seguir mantendo o rigor no gasto, é dicir, non gastar máis do que se ingresa e pagar o que se debe. Pero ten mellorado sensiblemente, dado que cumprimos a estabilidade presupostaria e pagamos en prazo aos nosos provedores. Todo iso grazas ao esforzo dos veciños e veciñas, e tamén grazas ao traballo e xestión deste equipo de goberno, e á colaboración do persoal municipal, lévanos a afirmar que a economía municipal está encauzada, sempre e cando non se fagan tonterías, o que nos permite levar a cabo unha rebaixa de certos impostos e prezos públicos”.
O rexedor bureles tamén manifestou que “antes de tomar esta decisión, a de rebaixa de impostos, fixemos unha análise rigorosa da situación económica: se en 2014, cos mesmo cartos que tiñamos en 2006, somos capaces de manter os servizos que mantemos, e o nivel de investimentos que estamos mantendo, en 2015 tamén podemos facelo, sen gravar as economías familiares e as das pequenas e medianas empresas”.
Polo tanto, “e tendo en conta que o IPC armonizado interanual é do -0’5% a nivel estatal, de cara ao ano 2015 baixarán o 0’5% as taxas de vados, auga, recollida de lixo, cemiterio municipal, ocupación de espazos públicos con sillas, mesas, terrazas e outros materiais, así como o imposto sobre vehículos de tracción mecánica (coñecido como rodaxe)”, afirmou o alcalde burelés.
González Barcia indicou que “tamén queda derogada a ordenanza sobre plusvalías. E queda reducido ao mínimo legal o tipo de gravame da contribución urbana, que pasa do 0’42 ao 0’40. De aí para abaixo, xa non podemos baixala máis, a lei non o permite”.
O alcalde foi moi claro na súa exposición: “se nestes anos tivemos que apretar todos o cinto, agora, que se atisba unha melloría da situación económica, vamos afrouxarlle o cinto aos veciños, pero o Concello vai seguir con el apretado”.
E engadiu: “coas medidas que vamos tomar, queremos manter o nivel de ingresos que ten o Concello, pero non gravar aos veciños, para poder manter o nivel de servizos e de investimentos que estamos mantendo. E digo isto, porque non podemos, tampouco, poñer en risco a capacidade económica do Concello”.
González Barcia dixo que “a medida que tomamos será seguramente criticada por algúns, que soamente pensan en clave electoral; nós pensamos na economía municipal e tamén na economía dos case dez mil veciños de Burela. E se somos capaces de deixar nos petos dos veciños, para que cada un faga con eles o que considere oportuno, cento cincuenta mil euros, e ao mesmo tempo somos capaces a manter os servizos que agora mantemos, considero que non o facemos nada mal”.
Finalmente, indicar que José María González Barcia, tamén presidente da agrupación local do PP, reuniu hoxe mesmo a mediodía aos afiliados en asemblea extraordinaria para comunicarlles a medida, ademais de trasladarlles outras cuestións do ámbito municipal e partidario.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
