CERVO, 19 DE SETEMBRO. Tralo fin da temporada estival, os socialistas de Cervo lamentan o estado de abandono no que se atopa o concello e alertan da “mala imaxe que se ten ofrecido a veciños e visitantes durante estes tres meses de verán a consecuencia da inoperancia e deixadez do noso equipo de goberno”.
Dende o Grupo Municipal Socialista subliñan que “é hora de poñer enriba da mesa a interminable lista de casos que poñen en evidencia o abandono e falta de compromiso que este goberno mantén con Cervo e cos nosos veciños. A día de hoxe mires para onde mires, dá pena ver cómo se atopa o noso entorno”.
Non entenden cómo é posible manter de tal xeito a área recreativa de Sargadelos ou a da Atalaia, “mesas sen bancos, postes sen papeleira, porterías para os rapaces completamente ferruxentas, zonas infantís estropeadas e cheas de maleza”.
Non entenden cómo é posible que as praias de Cervo non se coiden co maior dos esforzos e “Cubelas teña os baños destrozados, con cristais rotos e as lousas da fachada caendo ou que no paseo do Torno haxa 15 alcorques e teñan 7 vacíos, sen árbores”.
Non entenden cómo é posible que no parque Reina Sofía “leve o cartel informativo pintado dende hai meses e non sexan quen de limpalo ou que a fonte non sexa fonte nin un só día do ano. Cómo pode seguir a fonte de Rúa tal é como está, cuberta de vexetación e silvas, pode pasar alguén polo lado dela que nin se ve”.
Non entenden cómo é posible que paseos e vías municipais se atopen como se atopa o paseo de Lieiro “invadido de maleza, con madeiras rotas e estropeadas, papeleiras tumbadas, luces aboiadas e a zona de descanso totalmente descoidada, con buratos e co teito desmantelado”.
En definitiva, os socialistas destacan que “dá igual que falemos de parques, de áreas recreativas, de praias, de paseos, de vías municipais ou de fontes que o denominador común vai ser o estado de abandono no que se atopan a causa da desidia e falta de traballo do noso goberno. Pedimos que tomen nota de tódolos casos, que den unha explicación coherente ós veciños e que se esquezan da austeridade como escusa xa que se teñen gastado moitos cartos noutros asuntos que eran totalmente prescindibles”.
Non repiten, seguro
O GMS sinala que os únicos responsables da situación son os membros do equipo de goberno, “teñen a obriga de manter o noso municipio como se merece, cun aspecto envidiable e atractivo para veciños e visitantes, e máis aínda, se pensamos nos meses de verán”.
“É gratificante ver na prensa un balance positivo dos datos turísticos do noso Concello ó finalizar a época estival”, apuntan os socialistas, “así como tamén é importante que pensásemos qué imaxe levan eses turistas de nós, se é posible que volvan algún día ou se, pola contra, é tal o desastre que lle amosamos que será imposible que repitan”.
Remataron engadindo que “un goberno que defende o turismo como piar fundamental da nosa economía e que pretende apostar por este sector, non pode asumir esta actitude e darlle a espalda ó mantemento constante e minucioso do noso entorno”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
