Lugo, 10 de novembro de 2014. O vicepresidente e responsábel de Benestar e Deportes da Deputación de Lugo, o nacionalista Antonio Veiga, vén de asinar esta mañá un convenio de colaboración de carácter excepcional coa Confederación Galega de Persoas con Discapacidade (COGAMI) por valor de 5.000 euros. Esta axuda servirá para cubrir unha parte dos gastos derivados da contratación dunha traballadora social para o proxecto Dinamización asociativa na provincia de Lugo 2014. No nome de COGAMI asinou Anxo Antón Queiruga Vila.
A necesidade de contratar a esta traballadora social foi vital para que COGAMI puidese poñer en marcha este proxecto co que pretende ofrecer unha atención integral aos discapacitados da totalidade do territorio provincial, facendo especial fincapé naqueles que viven no medio rural, especialmente castigado na meirande parte dos casos pola dispersión xeográfica e o incesante incremento do avellentamento da poboación. Senón fose por este colectivo, terían moitas dificultades para acceder a servizos especialmente desenvolvidos para mellorar as condicións de vida dos que teñen que convivir con algún tipo de incapacidade e dos seus familiares, favorecendo deste xeito a súa integración laboral e social, así como aprender a empregar os distintos recursos dos que dispoñen para mellorar, no posible, estás condicións vitais.
Áreas de actuación
Entre os referidos servizos atópanse informar e asesorar a estas persoas con discapacidade e aos seus familiares; actividades de intervención social en áreas específicas de actuación como no eido da muller con discapacidade, a violencia de xénero, persoas con gran discapacidade e os menores, entre outras; organización de actividades de mellora das capacidades físicas e cognitivas, tales como a fisioterapia, deporte, terapias alternativas ou talleres de autoestima; mantemento e prestación do servizo do centro de día e apartamentos tutelados; desenvolvemento de actividades na aula ocupacional en novas tecnoloxías; entre outros moitos servizos.
Antonio Veiga lamentou que “unha vez máis dende a área de Benestar da Deputación temos que atender as demandas de todas esas persoas e asociacións que están facendo a labor que lle correspondería a quen ten as competencias e non as está facendo, debido aos recortes que está levando a cabo no sistema público de servizos socias, e estamos falando, loxicamente da Xunta de Galiza, que non cumpre coa cidadanía, cos que máis están sufrindo os recortes. Non cumpre coas asociacións que traballan no ámbito do benestar e da discapacidade. Esa é a nosa liña de traballo, aínda que moitas veces cos problemas orzamentarios lóxicos, pero si temos que facer este traballo para suplir esas carencias provocadas polas políticas do Partido Popular”, criticou o vicepresidente provincial.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
